Freiburger historische Bestände - digital

Die Plünderung des Dorfes im Dreißigjährigen Krieg

(1618-1648)

Erhard Richter

Über die Heimsuchung Welmlingens im Jahre 1633 besitzen wir einen hochinteressanten
Bericht des dortigen Vogts und Niedermüllers Simon Hopp, der wegen seiner
Bedeutung hier abgedruckt werden soll.

„An den woll edlen, gestrengen vesten vnd ehrenvesten Wolff Reinboldt von Marsilgen
vnd Christoph Leibfridt, f[ürstlich] m[arkgräflich] bad[ischer] bestelter
oberster Wachtmeister vnd Landtvogteyverweser vnd Landtschriber vnd Rath der
Herschafft Röteln

Röteln.

Woll edler, gestrenger vnd vester Junckher,
Ehrenvester hoch vnd wolgelerter Herr dochder (= Doktor),
Ich kan leider nit vnderlassen, Jr (= Euer) Strenckheit vnd Ehrenvest[igkeit] aber-
molen zu berichten, wie die Rüter (= Reiter) vnd alerley Lumpengesindt abermoll
zu Welmlingen hausgehalten haben. Vff jetz künfftigen verschinen Mitwuchen, den
3. Tag Aprilis, wie ich zu Röteln gewesen bin, so kamen meine Stabsangehörigen
vnd zeigen mir an: So bald als sie in den Fleckhen komen sindt, so sindt sie gleich
all zu meiner Behusung geriten vnd haben das Huß vnd die Mülin gleich vmbrendt
vnd haben mich vnden vnd oben in dem Huß gesuocht. Vnd [ich] hab das Huß nit
gar wellen endblötz[en] mit Wein vnd Früchten, daß sie das Huß nit in Brand steck-
hen. Ich hab noch vff die 20 Malter alerley Frucht vnd ein Fuoder Wein noch im
Huß gelassen, daß sie noch zu essen vnd zu drinckhen funden. Aber sie haben ale
Frucht im gantzen Dorff vffgefaßt vnd vff geladen. Sie vermeinen, es sey im gant-
zen Dorf kein Sester Frucht mehr. Die Zehndenfrucht ist gantz furt. Sie haben in
meinem Keller das Fuoder Win genommen bis vff die Druosen vnd ale Frucht vnd
ales was im Huß gewesen ist, den Hanffsamen, vnd haben im gantzen Dorff alen
den Win genomen. Den sie nit haben nemen können, haben sie die Zapfen ausgeschlagen
vnd haben [ihn] an den Herdt (= an die Erde) lauffen lossen. Vnd haben
ale Oefen vnd Fenster verschlagen, Tisch und Benkh, vnd den Stüelen die Bein ab-
dreten, die Drög vnd Kensterlin verschlagen vnd [ver]hauwen. Vnd haben ale Reder
im Dorff zusamengetragen, ale Kerren vnd Wegen vffgemacht vnd ales daruff
geladen: Win, Früchten, Hauwen, Kerst, Rüthauwen, Bickhel, Schufflen, Beiel, Ex,
Holtz- vnd Rebmesser, ale kupferen Offenheffen. In der Mülin die Hebisen, Mül-
hemmer, ales Mel vnd Frucht; kein Sackh haben sie in [der] Mülin gelasen, ale Sester
, gantz vnd halb Imy vnd Vierlingmes in der Mülin vnd in alen Huser hin genomen
, Wannen, Ridern, Rechen, Ossen gablen, ale Pflüeg vff dem Feld vnd in den
Dorfferen geraubt, die Schlösser ab den Drögen vnd Düren gebrochen, was von
Isenwerck ist, die Frucht im gantzen Dorf vff den Gasen hin vnd wider gestreüdt.

15