Freiburger historische Bestände - digital

Item das zu vilgemeltem closter vil unnd inn mercklicher anzal acker, matten, re-
ben unnd wolbesetzte wiger gehören.

Item das das vilgemelt closter sollich grossen gbruch gehapt, das es wol furstmes-
sig geacht werden mocht.

Item das ein hoff Heilgenzell genant bey dem dorff Friesenheim dem vilgemelten
closter zugehörig glegen sey.

Item das zu dem selben hoff vil matten, acker unnd reben unnd anders gehören.

Item war sin, als zu der zeitt, als sich obarticulierte uffrur zugetragen, uff dem
hoff Heilgenzell wein, frucht, hußgwand, vich, khorn unnd derglichen inn grosser
unnd mercklicher anzall gewesen sey.

Item das alle unnd yede vorgeschribne artickel khundwar unnd offenwar, das
ouch davon inn der Mortnow unnd sonst ein gmein lumbd unnd geschrey sey.

Uß welchem allem onwidersprechenlich volgt, das das closter Schuttern vor der
purischen auffrur ein rieh, voll unnd mit allem zugehor wol versehen closter gewesen
sey.

Item war sin, das oben articulierte gmeinden under andern gotzhusern im jar
1525 zwuschen pfingsten unnd ostern das vilgemelt closter Schuttern unnd den
hoff Heilgenzell darzugehorig eigen vornemens frevenlich mitt vorgehaltnem rhat
beschlagen, gerottenden huffen unnd gewapneter hannd uberfallen, uberzogen,
dasselb geplündert, verwuest, zum theil zerrissen, zerschlagen, win, frucht, vich,
fleisch, visch uß den wigern unnd gruben, essend spiß, schiff, geschirr,69 hußrat
unnd alles, was in dem gotzhaus unnd dem hoff Heilgenzell gewesen, nicht ußge-
nommen, verschwendt, verbutet, hinweg genommen und gefurt haben.

Item das vilgemelte gmeinden dem gotzhus Schuttern den acker, matten, reben
buw unnd die vischwyher verwuest unnd niderglegt haben.

Item war sein, das nach articulierte frucht, haußrat, schiff, geschier unnd anders,
wie harnach articuliert stett, zu zitt der pewrischen uffruor inn dem closter
Schuttern unnd hoff Heilgenzell zu dem selbigen gehörig gewesen seyen.

Item das sollich haußrat, frucht, schiff unnd gschirr, vich, fleisch, visch unnd anders
, wie harnach articuliert, durch obgemelte gmeinden gedachtem gotzhaus genommen
und entwert worden syen.

Item vier hundert funffthalb fiertel weyssen unnd darüber, das fiertel umb acht
Schilling pfening angeslagen, macht dryhundert acht guldin II ß.

Item achthundert fiertl korn unnd darüber, das fiertel für sechs Schilling angeschlagen
, macht vier hundert funfftzig siben guldin unnd anderhalben Schilling.

Item funffthalb hundert fiertel gersten unnd darüber, das viertel zu vier Schilling
angeschlagen, macht hundert ein unnd sibentzig guldin funffthalben Schilling.

Item siben hundert funfftzig unnd neunthalb viertel habern unnd darüber, das
fiertel zu vier Schilling angeschlagen, macht zwey hundert achtzig acht guldin
unnd zehen Schilling.

Item zweintzig vier viertel köcht,70 das fiertel zu acht Schilling angeschlagen,
macht sibentzehen guldin vierthalben Schilling.

205