Freiburger historische Bestände - digital

Das Haigerlocher Stadtbuch von 1551

203

daß thüt, ist den burger lieb, doch daß er daß holtz selber hab;
vnd soll dan iedem karer ain brott geben für ain pfening.

[3 a] Item die von Haygerloch sind den heren dehainen
tagdienst schuldig zü thond, wol mag der vogt in jden wyhen-
nechtten bitten umb ain laitte, vnd wer daß tfitt, ist den burger
lieb, doch daß er daß holtz selber hab; vnd soll iedem karen
ain brott geben für ain pfening.

Item die heren vnd ir ampt lüt sollend kainen burger turnen
oder blecken, welcher daß recht zü verbürgen hat mit zehen
pfand Tübinger, eß wäre dann söllich freffenlich7 Sachen vnd hand-
lungen begangen betreffende daß malefitz, darumb burgschaft
von im nit vff ze nemen war.

Item wär ouch sach, daß ain burger verlumbdet wurde
vnd in gefencknuß kam, so soll der selb nit gewegen8 noch mit
im gacht9 noch geylt werden, biß man an ainen gericht vnd
rat herfarung geschiht, wie er sein wessen herbracht hab, damit
dhain vntrwü gegen im furgenomen, noch niemantz geschmächt
wärde.

[3 b] Item ob sich begeb, daß ainer oder aine handlung oder
taut begieng, als sich mangerlay in ainer stat oder herschaft
verlouft, daß man nit mit recht strauffen mag oder vf in bringen
mag, darumb daß dan die gerechttikait iren furgang vnd daß
vnrecht gestrauft werde, so soll ain schulthaiß vnd der rät die
selben in gefencknuß oder in straf nieman, wie sy billich be-
dunckt.

Item wan schulthaiß vnnd rat mit ainander strafen wellten,
darumb sy vermainte strauf schuldig weren, so soll in nit helfen
daß recht an ze rieffen noch daß recht ze verbürgen, vnd soll
die gemaind miessig gon.

Item wa etwaß clagt wirt, daß soll nit lax noch naüch ge-
laussen werden sonder der da clagt, sol seiner clag nachgon,
ob er aber daß nit tätt, nit dest minder soll dien heren die
pen verfallen sein: wer daß mit recht verlürtt dry lib. Tubinger
vnd dem gericht fünf Schilling Tubinger.

[4 a] Item welcher burger oder inwoner etwaß zü schaffen
hett oder gewene, von schulden oder an Sachen wegen, der soll

7 Hs.: treffentlich.

8 wegen stv. hier: auf der Folter wägen, foltern.

8 gecht allit. und syn. mit dem folgenden geylt, von gähen, gaehen
intr eilen.