Freiburger historische Bestände - digital

Das Haigerlocher Stadtbucli von 1551

209

Item welcher zu tod geschlagen, oder sunst ainß vnrechtten
todß sturbt vnnd ouch kindbetterna, die da sterben, sind kain
houptrecht noch fall schuldig sein den heren.

Item die von Haygerloch sind kain stab raiß schuldig, dann
ob die amptlüt deß notturftig weren von eineß heren wegen,
so soll man daß an bringen an ain rät; werdent dan lüt henuß
geschickt, so soll die statt der kain schaden haben.

Item so man lut schicktte henuß vsser der statt vber füir
vnd der glychen, soll iedem geschicktten geben werden ain
maß win vnnd ain pfening brott; soll der her vnd stat gemeinlich
bezallen.

[10 b] Item wan der schulthaiß zü Haigerloch von tod
abgangen ist, oder sunst verenndert wirt, waß dan fräffel nit
berechttend weren, die sind tod vnd ab, wie von alter her-
komen ist.

Item deß glychen wan die herschaft Haigerloch in ain ander
hand ain heren kern, waß dan fräffel nit gerechtfertiget, sind
och tod vnd ab.

Item die burger habend zü verbietten spülen, schweren,
lange messer ze tragend vnd deß nachtteß zü vnzyt vff der
gassen gon, oder spieß oder weren gebiettehd ze tragen, vnnd
welcher söllichß vbergaut vnnd nit haltet, der ist verfallen der
stat die ainung.

Item wan dan gericht zü Haigerloch nit gantz ist vnd
richtter gebrist, so soll der schulthaiß vnnd daß gericht her
setzen vnnd die nieman vß dem rät, weche sy bedunckt dar zü
gütt vnnd tougenlich ze sein.

[11 a] Item wan der rät nit gantz ist, so soll der schulthaiß
gericht vnnd rät den her setzen vnnd vß der gemaind
nieman, welche sy darzü bedunckt güt sein; vnnd die selben, so
in gericht oder rät erweit werden, die söllend burger sein, wa
sy aber nit burger weren, so söllend sy burger werden vnd daß
burgerrecht emphahen.

Item die heren gebend den burgern an dem jaurgericht
von iedem wurt ein vierteil win.

Item die heren schänckent an der ascherigen mitwochen
den lütten in die zech ain pfund heier vnnd die burger schänckent
och ain liber heller.

Alemannia N. F. 9, 3.

14