Freiburger historische Bestände - digital

Robert Kretzschmar

Wie main gnädiger herr seiner
schulden betzallt werden soll

Kain ligend gött closter oder
spittein zu koffen zu geben

Hailigenpfleger sollen oner-
loubt nichts ußlichen

[83] Item wölcher meinem gnädigen herren schuldig, es sey
stür, zins, frävel, fäl oder anders, der soll sein amptlewten uff ir
erfordern essende pfand geben, die derselb amptmann an ain
würt stellen und wa der Schuldner die in acht tagen nit löst, mag
er die nachmals umbschlahen und verkouffen, damit mein
gnädiger herr siner schulden, deßgleichen was uff des pfand
gangen ist, betzalt werde; wölcher solich pfand nit hett, denn
mag er manen an ort, da mein gnädiger herr in beschaidt in aines
offen würtshus, da dannen nit zukomen on meins gnädigen
herren wissen und willen, er hab dann zuvor betzallt.
[84] Item es soll dhainer kain ligend gutt in der herrschafft
gelegen clöstern, gotzhüsern noch spittallern zu koffen geben,
bey peen zehen pfund pfening; und soll der koff dhain furgang
haben und dem herren und herrschaft an altem pruch onschäd-
lich sein.

[85] Und wöllichem ain gutt vail ist, der soll das meinem
gnädigen herren zum ersten antzaigen, ob aber sein gnad das zu
koffen nit gemaindt sein wölk, mag er das demnach ainem
andern in der herrschafft gesessen zukoffen geben. Wollicher
aber das on verwilgung tät, soll der kouff auch nichtz sein, und
der übertretter obangetzaigt strauff geben.
[86] Item es soll dhain hailigen pfleger niemand nichts ußleihen
on verwilgung der oberkait. Dann wölcher das nit tätt, was
nachtail dann dem hailigen darus entstat, soll er zusampt meins
gnädigen herren strauff erstatten.

44