Freiburger historische Bestände - digital

tionibus super conditionibus cerebri, quae in cerebris spiritu vini induratis instituuntur, pro magniludine curae, quae in
illis adliibetur, proque ritu, qui in illis servatur, non diversa et disparia eruantur. Quapropter inter anatomicos, ubi de
dispositione et excursu fibrarum cerebri et medullae spinalis iudicabunt, multis quidem in rebus semper aliqua erit dissensio.
Contra longe alia est ratio earum opinionum, quae ex disquisitione cerebri recentis praebentur, quaeque ex dissectionibus
molis cerebri sani semper aequaies concipiuntur. De his, quae hie oculis cernuntur, in summa dubia et contentiones esse
non possunt; liic oculi eos, qui acute et candide observant , in eam adducere debent opinionem, ut quantum ad totam rem
pertinet, idem sentiant. Eos qui velociter vident, praesertim in partibus subtilioribus utique plura momenta fugient, quam eos,
qui intentis oculis diutius illis immorantur. Itaque etiam inter illos auctores, qui in hanc rem sunt inquisituri, in assumendis
partibus, scilicetan existant, dissensiones erunt. Multos anatomicos celerius et incuriosius saepe investigare sane dolendum est.

Ut internam constructionem recentis cerebri, quantum quidem in me esset, accuratissime explicarem, per molem cerebri
in omnes partes sectiones faciebam. Illa moles linea horizontali et perpendiculari, hac scilicet linea perpendiculari cum in
longitudinem tum in latitudinem dividebatur, et quidem in profunditatem inaequalem ab anterioribus ad posteriora, a supe-
rioribus ad inferiora vel vice versa et ab externis ad interna. Simul etiam ad illud intendebam, ut si fieri poterat, in singulis
figuris bini conspectus darentur, id autem sic faciebam, ut in horizontalibus et in perpendiculariter transversalibus dissectio-
nibus in uno latere situm magis superficialem, in allero profundiorem exhibendum curarem, ita ut magna varietas con-
spectuum cerebri fieret, quin eo numerus quoque figurarum augeretur. Primae octo tabulae, si quidem eas cum numerosis
lconibus, quas Vicq d'Azyrius dedit, comparare placuerit, monstrabunt, ritu a me observato et, ne nimia multitudo
imaginnm, quibus saepe etiam impeditur, quominus iusta cognitio fiat, existeret , delectu quodam partium facto maiorem
varietatem conspectuum esse datam, quam in illis tabulis, in quibus prae caeteris sectiones horizontales, contra paucae
tantum perpendiculares in directione transversali et longitudinali continentur.

Quoniam autem hae tabulae anatomicae non solum iis, qui harum rerum professionem faciunt, dicatae sunt, necesse
habui, eas breviter exponere et omnes illas annotationes omittere, quas ut facerem, observationibus meis adductus sum,
ne, si copiosior fuissem, in usu tabularnm illud nasceretur incommodi, quod plurimae tabulae anatomicae cum expositionibus
verbosioribus afFerre solent, cum nimis fatigantes a prosequendis studiis anatomicis detineant. Hucetillud accedit, quod istius-
modi annotationes, si expositionibus tabularum adiiciunlur, non eo, quo par est, contextu dari possunt, ideoque, si quid
eis est pretii, eo aliquatenus privantur. Quibus rationibus permotus statim eas observationes, quas in disquisitionibus
organorum et apparatuum corporis humani ad icones in tabulis anatomicis exhibendas instituere soleo , in proprio libro*)
edere, qui his veluti commentarius inservial.

lam praebeo has tabulas de cerebro omnibus illis, qui artem anatomicam profitentur, praebeo adolescentibus, qui in
eadem arte erudiuntur, medicis etchirurgis, simulque oro atque obsecro omnes ut persuasum sibi habeant, mihi in eligendis
et in construendis imaginibus non solum ea, quae ab arte, cui omnem meam operam impendo, praecipiuntur, sed et ea,
quae eos exspectare licet, qui adhuc huius artis tirocinium agunt adolescentes, tum denique ea quae ab illis optantur,
qui eandem in aegrotis exercent, semper ante oculos esse versata, Quodsi quid commodi anatomiae his tabulis accesserit,
si mihi contigerit, ut iis, qui in hac arle mihi socii sunt, opera mea forte probetur, si gravissima haec rerum medicarum
studia iisdem aluntur et faciliora redduntur, si denique medici et chirurgi ab istis tabulis quasi consilium capiunt; omnia
ea quae plurima in iis edendis impendi, mihi restituta esse existimabo. * # '

Eadem ratione et simili modo, quo hic cerebrum et medulla spinalis repraesentata est, reliqua quoque organa et
apparatus corporis humani in fasciculis, qui secuturi sunt, repraesentabuntur, sic ut in his tabulis non, quemadmodum in
plurimis aliis, quae nobis exstant, collatis operibus variorum anatomicorum et artificum totum aliquod in partibus suis
sibi dissimile praebeatur, sed potius opus quoddam perficiatur, cuius partes omnes pari modo iconibus, quae ut ab uno
artifice, ita secundum praeparata ab uno anatomico fingebantur, expositae inveniantur. Caeterum opus susceptum sine
mora procedet et ad finem suum perducetur, si quidem fortuna amica auctorem tantumdem adiuverit, quantum ardor et
studium vires et animum ad arduum opus suppeditanl.

Proximus fasciculus de organis sensuum, manducationis, deglutitionis et vocis iam coeptus est et hoc ipso anno in
lucem prodibit.

*) Untersuchungen und Kritiken ira Gebiete der Anatomie und Physiologie.
Scripsi Turici, Idibus Martiis 1838.

Frid. Arnold.