Freiburger historische Bestände - digital

Gralo animo hoc loco testari debeo, quod vir clarissimus Dr. Hodes, qui munere prosectoris in theatro anatomico
Turicensi fuiigilur, pro sua humanitate id officii mihi praeslilerit, ut iiiiecliones in vasis sanguiferis faciendas susciperet.
Idem iniectionibus, quas fecit et arteriarum et venarum oculi, auris, narium, linguae et cutis in opusculo meo magno
mihi adiumento fuit. Quapropter pro magno labore meritam debitamque gratiam hic palam ei persolvere milii volupe esl.

Pari modo meum esse arbitror eas parles praedicare, quas Franciscus Wagnerus, artifex meus analomiae studiosis-
simus , in elucubrando hoc fasciculo egit. Is ut organorum sensuum perspicuam imaginem sibi effingeret eandemque aliis
redderet , nec tempori nec operae parcendum esse existimavit. Genuino anatomiae sludio agitatus semper in eo desudabat,
ut in praeparatis, quae sibi a me praeponerentur, veram partium naturam perscrutaretur easque quam accuratissime
delinearet. Imo, ut equidem existimo, eidem contigit, ut, ne in errores abducerelur, viam per labyrinthum auris carperet
eumque lineamentis praestantissimis oculis subiiceret. Ut vero recle vereque conciperet, quae esset nonnullarum partium
auris forma atque dispositio, id quod illis tantum contingere conslat, qui ipsi praeparationes instituunt, aliquoties ipse
scalprum in manus sumpsit, qua ratione sola perfectissimam imaginem dissectae cochleae (tab. VII fig. 8) effingere potuit.
Eorum tantum, qui omnia sibi potius quam aliis attribuere volunt , esse solet bonorum ac peritorum artificum opera
minoris aestimare. Tales viros quasi dextrae loco habere ac colere debemus. Quodsi iis, quam pro tempore contrito
dedimus, mercedula iam satisfactum esse putaremus, profecto sordide faceremus. Namque ars eorum aeque ac contentio
virium corporis, inprimis oculorum, non auro remuneranda est. Itaque magnam inde percipio voluptatem quod mihi licet in
conspectu omnium artificis mei praestantiam celebrare eique gratiam, quam debeo maximam, candide referre.

Quod hic fasciculus aliquot mensibus serius, ac promiseram, in lucem prodierit, facile excusabunt ii, qui quantae
difficullales in eo superandae essent, mites perpenderint. Pergam sine ulla mora caeteros fasciculos excudere.

Scripsi Turici Nonis Maiis M. DCCC. XXXIX.

Frid. Arnold.