Freiburger historische Bestände - digital

Er het doch Färb un Bensei nit,
Wenn er do dure goht;
Doch molt er mer — i lüeg jo nit —
S ganz Gsichtli füürig rot.

Im Spötlig het er mer in s Herz
Sy Bildli iinegmolt,
Un siider het s vor Lust un Schmerz
Mi niene meh recht tolt. —

O Friidli, molsch das Bildli au:
E Stübli nett un chlai,
Du drin as Maa un ich as Frau
Un — glücklich alli Zwai!

Ernst Niefenthaler

geb. 1894 in Bürchau, kl. Wiesental,

lebt dort als Landwirt.

Inhaber der Hebelplakette der Gemeinde Hausen.

Herbstlaub risplet uf de Wege,
Rauch un Dimmer decke s Gländ,
Ihrer Arbet letztsche Sege
Schirme flißig Buurehänd.

Nebel schlieft us gäle Wälder,
Baut e Wulkedach uf s Land,
Chraihe striiche über d Felder,
Wie n e dunkli Totehand.

Seite träumt e spoti Rose
Noh vo haißer Summergluet,
Chalti, ruuchi Herbstwind bloose,
Füür im Ofe tuet scho guet.

Überall Verweiche, Schwinde,
Spötlig, wo me goht un stoht;
Wald un Feld un Matte chünde
Ernst der tschuudrig Wintertod.