http://dl.ub.uni-freiburg.de/diglit/mgjb-1962/0127
Hans Preusch, Rektor i. R.
geb. 1897 in Tannenkirch,
gestorben 1956 in Obrigheim b, Mosbach
Ellai mit Gott
Der Nebel lyt im Tal.
Do wohne viil.
Sie liebe n in der Qual
Un ohni Ziil.
Im Tal do chämpfsch un strebsch
Un würsch zuem Spott.
Doch uf der Höchi lebsch
Ellai mit Gott.
Fahr zue
Jetz fahr i schnell talab dur d Nacht
de wyße Stroße noo,
un s Rad dur Duele gumpt un schlacht,
as wott s zuem Deuker goh.
Un allbott spritze Stei eweg,
das lauft myseel nit schlecht!
Jetz fahr i zmitts dur alle Dreck,
un so, so isch mer s recht.
So fahr i au dur s Lebe hi
un wiich im Dreck nit uus,
un frogt mi ain: „Was bisch do gsii?"
O Muetter, sag em du s.
Vo dir ha n ich my wild Geblüet
un fahr dur Dreck un Stei,
vo dir my Herz, my wüehlig Gmüet,
drum bi n i all ellei.
Doch du, o Muetter, bisch jo tot
scho mänggi, mänggi Johr,
un mir isch s Bluet noh ruuch un rot,
drum lauf i wäger Gfohr
Un fahr dur Duele grob un schnell
talab. Was lit mer dra!
So groot i wohl in s gfährlich Gfäll,
un niemes hebt mi aa.
http://dl.ub.uni-freiburg.de/diglit/mgjb-1962/0127