http://dl.ub.uni-freiburg.de/diglit/mgl-1974-01-02/0070
Doch wan einer sündet so schwer
Das d'vnzucht Malefixschich wer
Den sol nit helfen wein noch gelt
Sin schandt lid er vor aller weit.
Der Brütschenmeister mit seim stab
houw ihm den köpf bim hinderen ab
Auf eim banck also nacket blos
Damit ein andrer sich dran stos
Vmb solcher laster mießig gang
Doch bett man ihm vor mit dem gsang
Dorin sich keiner Überseen
Domit im nit auch also bschech.
Solt er im gsang s'haupt nit entblößer,
So ist er wertig gleicher stoßen.
Man sol auch ein oder zwen gsellen
Zu weiblen dises grichts erwellen
Die ausrichten was inen beut
Der Schulthes desgleichen d'Amptleut.
Ir ampt thut sich auch weiter strecken
Aufsechen sollen sy vnd schmecken
In allen wincklen, enden, orten
Wo vnzucht gschech mit werck mit worten
Das sollen sy dem gricht firbringen
Vnd zimlich liegen zuo den dingen,
Domit der seckel wert geschmirt
Vnd thuon wie kalthanßen c) gebürt.
Hiemit das nüt vergeßen blib
Ein Schreiber sein sol, der aufschrib
Die vrthel, strof, vnd andre gfel
Ein Seckelmeister man erwel.
Derselb sol z'nacht den schätz versorgen
Vnd widerbringen an dem morgen.
Sovil die Weiber b'langen tuot
Domit man sy auch halt in huot
Sol man ein Vogt inen darstellen
Zimlich alters, kein iungen gsellen
Der auf sy acht hab nacht vnd tag
Darzuo vernem altzeit ir klag.
Dieselb auch fir den schulthes dreit
Vnd drüber inen bringt bescheidt.
In solcher feiner polycy
Damit ein ieder gwarnet sy
Vnd nit vnwißendt in d'strof fal
So mercken ir badtgnoßen al:
Des Regiments Ordnung vnd bruch
Der zimlich milt ist nit zeruch:
Erstlich wer dreit ins badt ein wer, d)
Ein b'schißes hembdt oder badt eer e)
c) Kalthans: Angeber, geheimer Polizist, Naderer, der dem Großweibel dient und den
Schergen in die Hände arbeitet. Grimm, Deutsches Wörterbuch, Leipzig 1873, Bd. 5,
Sp.91.
d) wer: Waffe.
e) badt eer: Eine Art Badmantel, der hinten offen ist u. vor allem von Frauen getragen
wurde. Martin, op. cit. siehe Anm. 6, S. 168.
68
http://dl.ub.uni-freiburg.de/diglit/mgl-1974-01-02/0070