Freiburger historische Bestände - digital

Dan mir halten das Regiment
Bis das das baden hat ein endt.

Welches doch nit beschechen sol

Alwil der seckel ist noch vol

Vnd er im badt noch geth zegrundt
So badt man noch ettlich stundt

Bis das er im badt obsich schwimbdt

So ists zeit das er vrloub nimpt

Von Badtgnoßen, doch der gestalt
Das er zevor ein molzeit halt

Oder das er sich letz h) dermoßen

Mit vier, fünf, sex, siben, acht moßen *)
Domit man lang Zeit denck doran
Vnd sprech er sy ein eeren man

Welches dan ehr beschechen wirt

Wan er richtig bezalt den wirt

Vnd letzt sich allenthalben recht
Mit der köchin vnd baderknecht.

Vnd hatt verguot mit den badtgesten

Nimpt alleding auch auf zum besten,
Was in schimpf gredt ist oder thon
So soll in glick vnd heil angon.

Das wünschen ich allen badtgnoßen

Das s'badt wol hab an inen bschoßen

Wan sy zient von dem badt heim wider
Mit bringendt guote gsunde glider

Das nicht mer bös by ihnen blib

Vnd werdindt gsundt an seel vnd lib.

h) letze: Abschiedsmahl, auch Abschiedsgeschenk. Grimm, Bd. 6, Sp. 798 ff.

i) Moß: Maß.

Abb. 1

Aus: Sebastian Münsters: Cosmographey, Basel 1598, Seite 806

70