Freiburger historische Bestände - digital

Wollbach 1400 Vogt Golz von der Bruckmühle,

1406 Henni Bertschi, Vogt aus Wittliken (Wittlingen und

Wollbach bildeten zusammen eine Vogtei),
1445 Henne Lörrach(er), Vogt zu Wollbach,
1456 Clewi Roibly, Vogt zu Wollbach.

Anlage Die Emmendinger Gemeindeordnung von 1517

Eine jüngere Version mit Zusätzen von 1560 zeigt auf dem Umschlag das Sprüchlein:
»Ich das Büchlein ist der gemeyn zu Emdyngen, wers Stil, der ist ein Dieb, er sig Rider
oder knecht, so ist im der galg gerecht.«

»Recht und gebrauch, auch Zinß der Gemeind Emmentingen.«

»So der Heymburg die gemeynde zu samin lut, So sol ein jeder, (der) solches hört, sich
von stund an uff den platz fugen, und so der Heimburg also gelütt hat, sol er von einer
Bruck zu der andern, und darnach uff den platz oder uff das huß gon und welcher nach
Ime also uff den platz oder die stube kumpt, der sol zu straff unableßlich verfallen sin 2 d
so dick das geschieht.

Ob einer aber die glock hört und mit geverde uß blybe, den mag myn gnediger Herr
nach siner gnaden gefallen straffen.

Welcher aber uß den Zeichen were, so die gemein gesetzt und verordnet hat und die
truw darumb geben, daß er nit hab hSren luten, sol der 2 d ledig sin. Und sindt nun das
nemlich die Zeichen alß:

1) Der groß stein zwischen den Dörffern uff den Ackern.

2) Item welcher kumpt uff den Zinß Acker.

3) Oder welcher kumpt durch die kintzgen des Conradts troschen reben.

4) Item welcher für peter webers reben an die leim grub kumpt.

5) It. welcher für des heyigen hußlin im ober ziegel hoff es sy gein dem kastel-
berg oder gen dem weyer kumpt.

6) It. welcher kumpt über brucklin steg, horswertzin steg und über den eltzen
steg, sollen der 2 d auch frey sein wenn sy Ir trew darumb thun wie obge-
meldt ist.

Ob ein Heimburg einem etwas gebüt oder verbüt, und er des nit sthete hielte, der sol
unableßlich verfallen sin 16 d so offt und dick das geschieht.

Ein yedes vych, Es sie Roß, kuwe oder schwin, die zu schaden gon, sol tags verfallen
sin 6 d und nachts 1 Schilling d.

Und ob einer mit geverde einem, es wer tag oder nacht, mit sinem vich schaden zufuget
, das sol er nach erkantnis vogts und richter besseren, unabruchlich unserem gnedigen
Herren an seiner gnaden oberkeyt ime alweg.

Es sol ouch keiner, wer der sy, kein Eych weder in iren Zinßgütern noch in der gemeind
holtz unerloubt abhowen by verlierung von jedem stumpff 5 ßd.

Es sol keiner weder uff der ahnend noch uff dem Hof zu Malneck unerloupt keinerley
Holtz houven by pen 5 ßd.

Es sol ouch keiner den andern weder an hagen noch an zynen weder mit houwen, zer-
ryssen oder uffbrechen kein schaden zu fügen by pen 5 ßd.

Es sol ouch keiner dem andern in sin guter und uff das sin gen, es sy in Reben, garten
oder uff Ackern do er ime schaden zuefügen mege, Als triiblin abschniden, obs abbrech-
den oder ufflesen, by pen 5 ßd und by der nacht ist unserem gnedigen Herren heym ge-
stalt.

42