Freiburger historische Bestände - digital

gessen. Ich Neme das auf mein Prest und dz mir

solcher Jamer und Leid(en) niendert and(er) schwäche

kompt denn von dem ess(en) und von dem Weib.

So were auch dz Kind so bald es die Birren

gessen an allen vier glidern erlammpt.

Wie er nun als ein treuer Vatter dem Kind

zuhelfen rath gesucht. Wer im geraten

word(en) Die Benzin zum 3 mal umb Gottz

willen an Zesprech(en) dem Kind zuhelf(en). Und

wie sein fraw dz thun wollen und si angered

wersi Ir gleich in die red gefallen. Und

bald darnach für Ir Hauss khome. und ein

schalckg mit Ir angfang(en). Und doch geredt

dem Kind wirt an einer syt(en) wiedergeholf(en)

aber an der and(ern) nit. Dz sey auch bescheh(en)

Item vor nechster erndt hab er ein Khue
gehapt nit lang. Wer frisch und gsundt
Aber auf eine Nacht fiel si nider und stürbe
bald.

Item darnach hatt er ein Geissbockh und
in einer Nacht hueb er an zuschreyen. Da
Stunde er auf mit einem Licht. Sähe er in
da ligen. Und sturb auch bald.

46