Freiburger historische Bestände - digital

142

hat graf Felir von Werdenberg und graf Wilhelm von
Fürſtenberg und graf Itel Fritz von Hohen⸗Zorn und
Marr Sittich von Emß auf 10,000 knecht gemuſtert in
dem Riet umb Erſtein und Schlettſtat, und auf 4 wo⸗
chen da ſtill gelegen und darnach in Hoch⸗Burgundt
gezogen und ettlich ſchlöſſer gewunen und uf Simonis
und Judä (28. Oct.) wider weg gezogen; hat man die
knecht mit Engelloten bezalt. Bl. 149.
[M. Butzer.]
In diſem jar hat ein prediger⸗mönch mit namen
Martin Butzer, eins küblers ſon von Straßburg, gepre⸗
diget, aber hat ſein kutten von im gethon. Der hat
auch ein cloſterfraw zu der ehe genomen von Labenfelt.*
hat alweg am abent nach dem Salve Paulum geleſen und
ein großen zulauff von dem folcke gehabt. Bl. 149.
1524. [C. Hedio. Kenzingen.]
Auf montag nach corporis Christi (30. Mai) da iſt

doctor Caſpar Hedion, ein prediger in dem münſter, mit

einer junfrawen, eines gartners tochter der Treüß ge⸗
nannt, zu kirchen gangen. **
Darnach in der meß auf ſungichten ſeindt bei ander⸗
halb hundert man von Kentzingen gen Straßburg komen
mit irm pfarrherr, umb der luthriſchen lehr willen, dan
ir oberkeit hatt inen gebotten, das ſie irn pfarrherr laßen
weg zihen, und ehe ſie ſolches thun wolten, ſindt ſie ehe
mit irm pfarher hinweg zogen und ir weib und kind
dahinden gelaſen ein groſe zal. Da das ir oberkeit ſahe,
da haben ſie mit hilff dern von Freiburg und hauß
Oſtrich ettlich fußvolck und reütter aufbracht und haben
Kentzingen eingenomen und irn 3 mann gefangen, den
ſtattſchreiber, den württ zur kronen und ſonſt ein burger.
Darnach ſo hat man den ſtattſchreiber gepeiniget undt
für gericht geſtelt und erkanth, das man in mit dem
ſchwert ſolt richten, wie auch geſchach anno ꝛc. 24. ***
Bl. 153.
1525. [Wilhelm von Fürſtenberg.)]
Uf donnerſtag den 16. Aprilis † iſt graf Wilhelm
von Fuͤrſtenberg mit ettlichen knechten, die er zu Stras⸗
burg hat angenomen und gen Maron 1† beſcheiden,

* Lobenfeld in der Pfalz bei Sinsheim. S. Vierordt's
Geſch. der Reform. in Baden. S. 161.
** Hedio war von Ettlingen. S. über ihn Bodmann, Rhein⸗
gau. Alterth. 1, 8. Vierordt a. a. O. S. 115.
*** S. Vierordt a. a. O. S. 171 folg.
† Dieß Datum iſt irrig, denn 1525 war der 16. April der
Oſterſonntag; es ſoll wahrſcheinlich der 6. April heißen, dieß war
ein Donnerstag.

tt Meran in Tirol. Dadurch wird Münch's Geſch. von
Fürßtenberg 2, 31 ergänzt.

Straßburger Jahrgeſchichten.

undt iſt vil adel von Straßburg mit in zogen. herr
Pangratz von Wilſperg ritter iſt erſchoßen worden vor
der Cluſen und Wolf Wurmſer ſtarb, war ein haupt⸗
man, und ſonſt vil edel und unedel, dann man ine ver⸗
geben hatt in brott und wein. und kamen in der wuchen
nach ſant Jacobstag wider heim, das mehrtheil kranck
und groß geſchwollen. Bl. 159.
1526. Zug uff den von Hanaw.
Auf mitwoch nach Quasimodo (11. April) iſt die
ſtatt Straßburg ußgezogen mit 600 man zu fuß und
60 pferdt und ettlich geſchütz gen Wilſtett wider den
herrn von Hanow, daß er ein burger hett gefangen,
doch ſo iſt er den tag uß komen und auf den abent
wider heim komen. Bl. 158.
1528. [Erdbeben.]
Uff freytag nach Luciã (18. Dec.) umb 9 uhr zu
nacht kam ein großer erdbidem, darnoch in zweien tagen
wider ettliche. Bl. 160.
1529. Groß waſſer.
Den 15 May kam ein groß waſſer in alle land und
thet großen ſchaden, und ein kalter naßer ſummer, das
der wein nit zeitig wardt und alle ding theür war, daz
der firn wein ein maß 7 ι und der neüw 5 ₰ galt
und ſaur wein, das korn 16 6., der waißen 18 %β und
19 %. Bl. 162.
1529. Krankheit.
Item im Occtober iſt ein kranckheit uß Engelland
komen in Teütſchlandt, zu dem erſten in Niderland und
darnach den Rein herauf in alle ſtett; und kam der
ſiechtag den menſchen an mit ſchwitzen und ſo man den
menſchen ließ ſchlafen, oder den luft zu im ließ gehn,
ſo waß er von ſtund an todt, ſo man in aber ließ ligen
und beheb zuſtopfet und 24 ſtunden ligen ließ, das er
nit ſchlieff, ſo kam er wider auf. und ſind auf ein mahl
in einer wochen zu Straßburg auf drey tauſent menſchen
gelegen, und doch wenig geſtorben. Bl. 162.
1529. Theürung.
Im Meyen hatt das korn 17 β und 18 . golten,
der waißen 2 gl. auch 17 2/,, das fuoder wein 32 gl.
und war gar theür. Bl. 163.
1531. Theürung. [Comet.]
Uff freitag nach Cantate (12. Mai) galt das korn
zu Straßburg 3 gl. und mehr, der weißen 36 6%, und
galt heür in allen landen die gerſt 1 % 6 %, der wein
30 gl und 28 gl. Darumb ſo gaben meine herrn den
burgern mehl, ein ſeſter umb 2 %, und hörten auf uff
Adolphi (29. Aug.).
Im October iſt ein comet am himel geſtanden wie
ein fackel auf 14 tag lang. Bl. 165.