Freiburger historische Bestände - digital

Fortſetzungen des Königshofen.

Baſel vnd Briſach, die noment das von in vnd gobent
in darumbe, was ſu bedoͤrftent, das ſuͤ doch vnbillichen
dettent, wanne ſuͤ moͤhtent nit alſo lange in dem lande
ſin bliben breſten vnd mangels halp, werent die von
Baſel vnd die von Briſach nit geweſen, die ſpyſetent
vnd kleidetent die moͤrder.
Die gurgelſtecher, ſuͤ ſmehetent das heylige ſacramente,
ſu noment die kelliche vnd beroubtent die kyrchen, vnd
noment alles, das do inne was, vnd ſchuttent heylige
oley uß, vnd noment die monſtrancien, das doch ein
ſchemliches, leſterliche, ſuͤntlich, moͤrtlich geſchicht was von
eins kuͤniges ſun von Franckenrich, den man doch nennet
vnd ime der bobſt ſchribet dem aller criſtlichſten künige
in der welte. Aber das hat ſich nuͤ verkeret, wanne er
nuͤ geheiſſen vnd genant ſol ſin der ander boͤſe keyſer
Nero, der zuͤ Rome ein keyſer was, wanne kuͤnig Karle
von Franckenrich vnd ſin ſun Ludewig der tyran oder
der wuͤterich hant me uͤbels [getan '!, vnd lant vnd luͤte
vnd wittwen vnd weyſen verderbet, wanne der boͤſe keyſer
Nero ye gedett. Item alles, das dovor geſchriben ſtot
von Karlen und ſinem ſuͤne, das iſt wor vnd hundert
mol me, wanne hie geſchriben ſtott, das doch aller meng—
lich in diſen landen wol weiß. Item darzuͤ alles, das
ſu globten vnd ſwuren vnd briefe vnd ſigel gobent, der
hieltent ſu eins nit. Item kein criſtenkuͤnig von Francken⸗
rich dett ſo uͤbel nie, alſo dirre Karle vnd ſin ſuͤn hant
geton, wanne ſolches nie me gehoͤret wart von keinem
kuͤnige von Franckenrich ſemliche moͤrderige. Item ſu
brantent ouch das lant gar ſchedelichen vnd noment das
jor den herbſt gar in, das kein win das jore in die
ſtatt kam, vnd ouch die erne, wanne die geburen woltent
nit in zyt floͤhen, das ſu wol hettent geton, do woltent
ſuͤnieman volgen, vnd do ſu gerne hettent gefloͤhet, do
was es verſumet, wanne das volcke was in dem lande.
Aber es was kein gebreſte in der ſtatt Straßburg, wanne
do was alles rates gnug darinne. Man gap den rocken
vmb VII 4, vnd den weyſſen vmb IX β vnd VIII 6β56%
vnd ein guͤte moß wins vmb IIII ₰ vnd III ϑ, wanne
do kam gar vil wins uͤber Rin here vnd von dem Keyſer⸗
ſtuͤl herabe gon Straßburg.

36. Wie Wangen die burg gewunnen wart
von der ſtatt von Straßburg MCCCCXILV.
jor. Item alſo die Jecken, das boͤſe volcke, in Eilſaß
kam, do gewunnent ſuͤ Wangen, das ſtettelin vnd das
ſloß, vnd das nam herr Schan von Vinſtingen zuͤ ſinen
handen vnd meinde es alſo zuͤ behaltende. Item das
wolte die ſtatt von Straßburg nit geſtatten vnd in nit

¹ fehlt.

531

zuͤeinem boͤſen nach geburen zuͤ habende, vnd zugent
fuͤr das ſloß Wangen mit gewalt vnd mit gezuͤge vnd
gewunnent es in uͤber den hals an mit rehtem ſtuͤrmen
vnd vingent ſehß man daruff vnd fundent gezuͤg vnd
coſt genuͤg darinne. Dis geſchach nach Oſtern XIIII. tag
(11. April) nach dem alſo man zalte MCCCCXLV.
Item MCCCCXLVII. jor do gewann Hanns von
Wangen der ſtatt von Straßburg Wangen wider an
vor hertzog Ludewig zuͤ Heidelberg mit rehte, do doch
die ſtatt me wanne tuſent pfunt daran verbuwen hette.
37. Von dem küͤnige von Franckenrich vnd
den von Metze. Item alſo der Telphyn lag in Eil—
ſaß, alſo lag ſin vatter vor Metze der ſtatt vnd in dem
lande mit rouben vnd moͤrden, vnd deten ouch groß
uͤbel in dem lande, vnd gewunnent den von Metze vil
ſloß und veſten an wider gott vnd alles reht, wanne
ſuͤ nit mit ime zuͤ ſchaffende hattent vnd ime ouch nit
ſchuldig worent, nuͤt zuͤ tuͤnde uͤber alles reht; ſo wolt
er guͤt von in han, aber die von Metze ſatztent ſich
wider den kuͤnig vnd wertent ſich ouch ritterlichen vnd
menlichen, wanne ſuͤ hettent vil guͤter ſoldener vnd
wurdent dem kuͤnig von Franckenrich me wann tuſent
man von den von Metze erſtochen vnd ertrencket vnd
gevangen. Item alſo ſohent die von Metze, das der
kuͤnig nit uß dem lande wolte vnud in groſſen ſchaden
zuͤfuͤgte an luͤten, die gevangen vnd erſtochen wurdent
vnd geſchetzet vmb groß guͤt. Alſo wart darzuͤ geret zuͤ
beden ſiten, das der krieg gerihtet wart vnd das der
kuͤnig uſß dem lande zoch, vnd wart der fride gemacht
hundert jor, vnd ſolt der kuͤnig von Franckenrich den
von Metze alle ir ſloß, die er in hatt angewunnen wider
geben mit aller gereitſchaft, alſo er ſu gewunnen hette,
vnd darumbe gobent die von Metze dem kuͤnige hundert
tuſent vnd fuͤnfezig tuſent guͤldin. Alſo wurdent ſuͤ ſin
entladen vnd des boͤſen volckes, wanne die von Metze
hettent kein rahtunge ſo balde nit uff genommen alſo,
wanne der kuͤnig von Franckenrich was in zuͤ nohe ge—
huſet, das ſu ſich ſin doch nit moͤhtent erwert han,
wanne in doch weger vnd nuͤtzer was, ſuͤ gobent das
gelt, wanne daz ſu fuͤrter vnd lenger gekrieget hettent.
Vnd alſo koment ſuͤ des kuͤniges vnd ſins volckes abe.
38. Item wie man ſich hielt in diſem
kriege in der ſtatt von Straßburg. Item in
diſem kriege hielt man ſich, alſo hernach geſchriben ſtot.
Item die zwey bolwercke zuͤ ſanct Elyzabeth-thurn vnd
an dem ſpittel-⸗thurn wurdent gemacht vnd vil ander,
vnd bolwercke zu Weſenecke vnd uff Ruwen⸗Owe in
dem Hage zwey bolwercke vnd ein ſtube, do man inne

was in dem winter, vnd logent tag vnd naht XXIIII
67