Freiburger historische Bestände - digital

— 75 —

exceptis; quod si, quod absit, in tantum temeritatis ausum queque
proruperit rebellendo, sit ipso facto velo privata, pene institu-
cionibus expresse subiacendo, nolens quod aliqua sine speciali
licencia priorisse tali loquatur; quibus quidem penis omnes sorores
subiacere volo, que tali rebelli vel talibus rebellibus consenserint
animando societatem seu familiaritatem habendo, aliter quam
constitucio disponit in capitulo de graviori culpa, mandans con-
fessoribus pro tempore vobiscum existentibus totique conventui
ac singulis sororibus, quatenus priorisse pro tempore existenti in
omnibus premissis fidelem ac efficacem faciant assistenciam; et
si priorissa in exequendo et prefati in assistendo negligentes
fuerint, per visitatorem priorissa ab officio absolvatur, sorores puni-
antur et confessores ab officio et loco removeantur, nolens quod
ipsi confessores communiter vel divisim de hiis, que pertinent ad
priorisse iurisdictionem seu monasterii in temporalibus adminis-
tracionem se intromittant, quod reddo attentos et diligentes in
hiis que ad eorum pertinent officium. Et ut efficacior pro reli-
gione et pace fovendis inter vos hec mea sit ordinacio, volo ut,
cum alie leguntur ordinaciones in sororum presencia, hec legatur
articulo illo dempto, qui prohibet quarumdam personarum com-
munionem, quem non legendum declaro in presencia conventus
racionabilibus causis, quemadmodum primo extitit ordinatum,
quamdiu a sororibus fuerit servatus; quod si eum per priorissam
vel sorores quascumque cuiuscumque condicionis minus servari
contigerit, legatur tunc in presencia omnium temporis pro aliis
ordinacionibus legendis constitutis in contrarium facientibus non
obstantibus quibuscumque. In quorum omnium fidem et testi-
monium sigillum officii mei duxi presentibus apponendum.

Bene valete et deum pro me orate. Dat. Argentine februarii
XXI. anno dominice incarnacionis m°. cccc0. lxxxm0.

Fr. Michael Zimmerlin1) conv. Rotwilensis, qui fuerat excom-
municatus propter ludum taxarum et privatus assignacione con-
ventus sui, fuit absolutus ab excommunicacione et assign. in con-
ventu eodem, dummodo placeat priori et patribus, quod si non
placet, provideant sibi de conventu, et si repertus fuerit alias
ludere, privatus sit filiacione conventus. ln contr. Dat. Argentine
die XXII. febr.

Magister Henricus Institoris2), inquisitor ac prior conv. Slets-
tatensis habuit absolucionem ab officio prioratus, ita quod dum
legerit litteras in capitulo, sit absolutus, alias non, et nullus

1) Siehe Heft VI S. 148 f; Zimperlin.

2) Vergl. oben S. 18.