Freiburger historische Bestände - digital

ANHANG

I

Dis48 ist die abgeschrift des briefes darumbe gen C6ln geschicket wart.
Vruntliche grusse mit sunderlinger billicheit und gunst in allen dingen vorge-
saget!

Lieben frunde, die drie briefe, die ir an uns gesendet hant, und in den das ir
semlich punte, darumbe das ir uch zweyend sint, an uns gezögen hant, die briefe
han wir entfangen und wol verstanden, welche drie briefe alsus sagent von worte
zü wort:

Den erwirdigen wisen und bescheiden, den reten zü CÖlne embieten wir Dietrich
Snewli ime Hofe, ritter, burgermeister und der rate zü Friburg in BrisgÖwe,
unsern willigen dienst bereit zü allen ziten. Wir tünd uch kunt, das wir unsern
rate, nuwe und alte, beruffet hatten züsammen umbe unserre stette reht zü
offenende, zü kundent und zü sprechend, und wart gefraget umb das reht, so
man mit der gloggen rihtet, umb das mort oder den bietenden sclage, ub da der,
dem man vurruffet, von dem man claget, vur geriht kommet, sich verentwurtet
und lögent und sin reht butet darvur, ub dem der cleger die hant ab müsse nem-
men und bekempfen, oder ub er sin reht davur genemmen möge. Darumb wurden
wir uns zweyend und erteilt der merteil, das der cleger in des s6lle erzugen
oder sin reht davur nemmen. Da erteilt der minreteil, das der cleger in nut möge
bezugen, er müsse ime die hant abnemmen und bekempfen. Dis hant unsers
alten rates der vierundzwentzigen zwen, her Hesse Snewli ime Hofe, rittere, und
Hanneman Turner, vur uch gezogen, wände wir reht zü uch süchen und nemmen
söllen, das ir uns davon lassent wissen mit uwerm briefe, was uwerre stette
reht harumb sie iemer durch unsers dienstes willen. Datum Friburg III. nonas
iulii sub anno domini M0CCC°L°tercio...

Aber der ander briefe: Den erwirdigen wisen und bescheiden, den reten zü
C6ln .. . embieten wir Dietrich Snewli ime Hofe, ritter, burgermeister und der
rate zü Friburg in BrisgÖwe unsern willigen dienst bereit zü allen ziten. Wir
tün uch kunt, das wir unsern rate, nuwe und alte, beruffet hatten zü samment
umb unserre stette rehte ze offenend, ze kundent und ze sprechend, und wart gefraget
umb das reht, da ein frömde man oder ieman anders ein andern frömden
man anfieli in unserre stat vur ein schedelichen man, Got und der weite, ob man
und wie man dem richten s6lle. Darumb wurden wir uns zweyend und erteilt der
merteil: spreche man in an umb röbe, nahtbrande, diepstal oder umb ander semlich
Sachen, das man des den mit sibenen unversprochenen mannen uberkommen
s6lle. Da erteilt der minreteil, das man sin reht von ime nemmen s6lle, man vinde
in denne tribend oder tragend. Dis hant unsers alten rates der vierundzwentzigen
zwen, Hug Ederli und Lutfrid Atscher, vur uch gezogen, wände wir reht zü uch
süchen und nemmen söllen, das ir uns davon lassent wissen mit uwerm briefe,
was uwerre stette reht harumb sie iemer durch unsers dienstes willen. Datum Friburg
III. nonas iulii sub anno domini M0CCC°L°tercio...

Aber der dritte briefe: Den erwirdigen wisen und bescheiden, den reten zü
CÖlne embieten wir Dietrich Snewli ime Hofe, ritter, burgermeister und der rate

91