Freiburger historische Bestände - digital

die ime helffen den lüten antwurten geben, und wenne er ir von der stett oder des rats wegen
bedarff, das sy im denn helffen in den Sachen raten, handeln und tun zum besten und glich
sam noch ir besten verstentnis als sich geburt.

[9] Item sit nu der rat mit so wenig personen sol besetzt werden, so mögen der zünfft ouch nit so vil
bliben, dann ir yetz achtzehen sint, die ieglich iren zunfftmeister in den rat hatt gon zu den
andern, die von iren wegen ouch in den rat gekossen werden.

[10] Item darumb mus man die zünfft gantz abtun oder aber sy mindern und uß den achtzehen zünfften
machen, das ir nit me denn sechs zünfft syen, der iegliche einen zunfftmeister haben soll, in
den rat ze gonde.

[11] Item maht man nu, also sechs zünfft, so wurden allerley antwerck zu, samen gon in ein zunfft.

Darumb sol jerlichen der rat ieglicher zunfft einen zunfftmeister usser irer zunfft geben, der
denn den rat der nützste und der beste bedunckt das jor dartzu ze sinde, der dann das jor
von der selben zunfft wegen in den Rat sol gon.

[12] Item zu den selben sechs zunfftmeistern sol man uß den antwercken und zünfften allen sechs in
den rat kiessen und nemen, die den rat bedunckt das jor die nutzsten und besten dartzu sin
und die mag man ouch nemen uß welicher zunfft man wil, vil oder wenig, noch dem man denn
an einem ieglichen ort personen vindet, die togenlichen und nutz dartzu sint, alles ungever
lieh und ouch alles in gegenwertikeit unser herschafft reten als vorstot.

[13] Item man sol ouch jors dem burgermeister, der gesetzt wurt, sweren gehorsam ze sinde noch der
herschafft und der stett recht als das harkomen ist.

[14] Item es söllent ouch der burgermeister und der rat, das sint die XXIIII, die eins ieglichen jors ge
setzt werden, gewalt haben von der herschafft und der stett wegen alle empter zu besetzen
und alle Sachen ze ordenen, jurzenemen und ze handeln und alle gebott und verbott ze
tunde, die statt berürende als vormols und als sü bedunckt von der her schaff der stett und
gantzen gemeinde wegen notdürftig und nütz sin und sol inn ouch meng lieh in der statt und
alle die über die sy zu gebieten hant, gehorsam sin aller rechter und zimlicher dinge als bil
liehen und ouch harkomen ist und sich geburt.

[15] Item ein yeglich zunfft mag ein Stuben haben, daruffsy zu samen gangen und die ouch zu ir not
durfft bruchen und die andern zer und tringstuben sollent alle ab sin und nieman dehein gesel
schaff noch tringstuben me gegunnt werden weder antwerck knechten noch andern, dann al
lein die Stuben zum Ritter und zum Gouch, die mag man behalten als das harkomen ist.

[16] Item der priesterschafft redet man in ir Stuben noch ander ir herkomen in solichem der stetthalb
nützit.

[17] Item in allen stücken, artickeln und puneten so vorbegriffen sint oder hie noch gemeldt mbhten
werden, soll unser gnedigen herschafft von Osterrich etc. ir herlicheit und gerechtickeit an
iren nützen, rechten und gefeilen usgesatzt und iren gnoden dis alles daran unschedelich sin
und deheinen schaden noch bresten bringen.

[18] Item desglichen sol es ouch der stat Friburg an allen iren friheiten, rechten und allen andern iren
gewonheiten und harkomen unschedelich sin und daran deheinen bresten noch intrag bringen
alles on argeliste und geverde.

[19] Item were aber, das man die zunfft gantz abtun wurde und dehein zunfft haben wolt, so ist ge
ratslagt, das man wurd die statt in sechs teil teilen und ieglichem teil ein stube zuordenen,
dartzu der teil gehört und dann alle jor uß dem selben teil inen einen zu geben, der under
ine das jor von iren wegen in den rat solt gon glich uff die meynung, als man einer zunfft
einen zunfftmeister geben solt und vorberürt ist, und den wurde man nemen noch der Stuben
mit dem teil, darin er gehört.

[20] Item darnach wurde man uß der gantzen gemeinde, das yetz die zunffte sint, in den rat kießen und
setzen sechs fromm man, die den rat beduht das jor die besten und nützsten dartzu sin und
die mocht man wol nemen uß welichem teil under den sechs teiln man wolt, vil oder wenig,
nochdem man denn in ieglichem teil personen vindet, die togenlichen und nutz dartzu syent,
alles ungeverlichen und ouch alles in gegenwertickeit unser herschafft reten als vorstatt be
scheiden.

96