Freiburger historische Bestände - digital

werden, fallen und gefallen sin, ouch inen bliben und zuo gehören, on menglichs hin-
dernis, intrag und geverde.

Und ob sich begebe, das wir elich kinder by einander überkomen und die oder ir
eins unser einem, nemlich Hanssen Brißwerck oder Cristinen myner künfftigen ge-
mahel tod oder abgang erleben wurden, alsdann so sol alles und yeglichs unnser beider
guot, es sye ligends oder varends, erspart, ererbt oder anders geteilt, und dess-
halb gehalten werden, nach sitt, recht und gewonheit der stat Basel. Doch das derselben
Cristinen voruss volgen und werden sollen ire morgengab, kleyder und
kleynotter, und alles das so zuo irem lib gehört, on inred und intrag menglichs.

Und ob ich der genant Hans Brißwerck inn willen kommen würd, durch gotz der
selenheil oder ander dingen willen, ouch mynen lieben guoten frunden und gönnern
von mynem guot etwas ze verordnen und vergaben, sol und mag ich sollichs vermachen
und vergaben uss mynem guot, nemlich mit vierhundert gülden rinischen on
menglichs inred und hindernis.

Uff solichs so haben wir die vilgenanten parthien, nemlich ich Ludwig Peyger, für
mich, alle min erben und die genanten Kristin myn liebe dochter, und erben, dero
vogt ich hierinn bin und ich dieselbe Cristin mit hannd und gewalt mynes vatters und
vogts yetz genant, und ich Hanns Brißwerck für mich und alle min erben by unnsern
guoten und waren trüwen an eides stat geben, glopt und versprochen, globen und
versprochen ouch also vestiglich inn disem brieff, diß beredung vor der ee ouch alle
und yeglich punckten und artickel, und alles das, so vor und noch an disem brieff
geschriben stat, war, stet und unverbrochenlich ze halten, ze folfüren und dawider
nymer zereden, ze tuond, noch schaffen gethon oder geredt werden, mit gericht noch
on gericht, durch unns selbs noch ander. Sollichs ouch nyemant zuo gönnen noch
gestatten, inn keyn wise, noch wege erberlich und ungevarlich. Zuo allen und yeg-
lichen obgeschribnen dingen, wir obgenanten parthien, Nemlich ich Ludwig Peyger,
mich und die genant Cristin min dochter, min und ir erben, und ich Hanns Brißwerck
mich und min erben, verbunden und für unns und dieselben harinn verzygen haben,
aller und yeglicher gnaden und fryheiten, von Babsten, keysern, künigen und ander
gewaltsami, gerichten und rechten geistlicher und weltlicher fryrechten, lantrechten,
stetrechten, burgrechten, eynungen, Satzungen und alt harkomen, der herren, Stetten
und des gemeynen landes ußzugen funden, und geverden, und sust alles des, damit
sich yemant wider sollichs, so obstat, gantz oder zum teyl, behelffen oder beschirmen
könd, oder möcht. Nemlich des rechten so do spricht ein gemeyn verzyhung,
verfahe nit ein sunderen gang dann ee vor.

Und des zuo worem urkund, so haben wir obgenant Ludwig Peyger für mich und
inn vogtlicher wise Cristinen miner dochter, und für sy und ir erben, und Hanns
Brißwerck für mich und alle min erben, Nemlich ich Ludwig Peyger min eigen in-
gesigel und Hanns Brißwerck min eigen bitzschet31 offenlich thuon hencken an di-
sen brieff. Und zuo merer Sicherheit, so haben wir Ludwig Peiger und Hanns
Brißwerck flißlich erbetten die genanten herren Heinrich Rieher obersten Zunfft-
meister und Claus Meyger Ratsschriber der stat Basel unnser lieben hern und fründ,
so by allen obgerürten dingen gewesen sind, ire ingesigel ouch zuo hencken an disem
brieff, das wir dieselben Heinrich Rieher und oberster zunfftmeister und Claus
Meiger Ratsschriber bekennen also, dem noch wir by der beredung vor der ee und

22