Freiburger historische Bestände - digital

Ich bin, ich bin der herr vnd
ist kein anderer säligmacher
dann ich.

Idem eodem c
Ich bin, ich bin der din boßheit
vßdilgt vmb mynetwillen
vnd würt diner sünd nymer
gedencken.

Vnd in vilen psalmen
Invoca Rüff mich an in dem
tag diner trubsälikeit, will
ich dich dir heruß helffen, vnd du
würst mich eren.

Jeremias 33
Rüff zu mir vnd ich würd dich
erhören.

Idem c. 29
Wann ir mich vß gantzen üwern
hertzen suchen werden, so würd ich
von üch finden, spricht der herr.

Osee

O Israel, in dir ist nichts dann
din verderben, allein aber in
mir stodt din hilff.

Paulus ad Ro. x
Es ist allerzemol ein herr, rych
über alle, die in anrüffen,

[vgl. Psalm 91,15]

[Jeremia 33,3]

[Jeremia 29,13]

[Hosea 13,9]

[am Rande: Baruch vi [6,6]:
dich muß man anbetten,/ herr]

[Römer 10,12]

[Bl. 2v rechte Spalte]

denn wer den namen deß herrn
würt anrüffen, soll sälig werden.

Johannis i [Johannes 1,12]

Wie vil in vffnamen, den gab
er macht, gottes kinder zü
werden, denen, die do an synen
namen glouben.

Johannis xvii [Johannes 17,1-3]

Vatter, die stund ist hie, dz dü
dynen sün verclerest, vff dz
dich din sün ouch verclere,
glych wie du im hast macht
geben über alles fleysch, vff
dz er dz ewig leben geb allen
den, die du im geben hast. Dz
ist aber dz ewig leben, dz
sy dich, dz dü allein worer
got bist vnd den dü gesant
hast Jesum Christum, erkennen.

19