Freiburger historische Bestände - digital

— 133 —

zigen hant gemeinlich einiſ iegelichen dingeſ, vnd ſwenne ſi
dü gemazent, vnd geehtent, ſo ſüln ſi ſũ enpfelen ſwem ſü
wen, vnd ſwer mit minre oder mit merer maze oder gewege,
kovfet oder verkovfet, der begat düpſtal. Sü mvgen ovch ma⸗
chen reht vnd einvnge, vnd ovch wandeln alſ ſü donket, daz
ez der ſtette rehte koome, ane deſ herren reht, dü enmogen ſi
nüt verwandeln ane ſinen willen, vnd ſwer daſ denne brichet,
der brichet der ſtat ir reht. Der herre hat ooch mit der alten
viervndzweinzigen, vnd deſ rateſ, vnd der gemeinde von
friburg gemeinlichem rate, wiſſende vnd gvoten willen, gewalt
gegeben den zonftmeiſteren ze friburg, die denne ſint, ze ſezzen⸗
de, vnd ze machende einonga, die iren antwerken vnd iren
zünften notdürftig vnd nüzze ſint, vnd der ſtette vnd der her⸗
ſchefte vnſchedelich ſi, alſ ſü donket vf iren eit, ane alle ge⸗
verde, alſ an dem briefe ſtat, den er in darüber hat gegeben
mit ſinem vnd mit der ſtette ingeſigele beſigelt. Den gewalt
ſoliche einonge ze ſezzende ſüln die zunftmeiſtere han, ane
alremenlicheſ irronge, vnd ſwa die nüne, oder dekeiner vn⸗
der in ſonderbar, nüt küſen ze den zilen, als davor geſchriben
ſtat, ſo ſüln ſü nah dem tage, ſo ſü nüt kieſen went, von
der ſtat varn, vnd ſüln vſſe ſin ein ganz iar, vnd ſwenne ſü
nah der iarfriſt wider in varent, ſo ſüln ſü ir iegelicher eine
march ſilbers lötiges geben, dem ſchultheizen, vnd dem bor⸗
germeiſter, vnd ſüln ſü vf iren eit der ſchultheize, vnd der
bvorgermeiſter dü marche nüt varn lazen, vnd ſwa der ſchylt⸗
heize, oder der borgermeiſter, oder der zonftmeiſter einer, ob
er der drier einer were deſ rateſ, ſomeſelig an der kor were,
oder da bi nüt möchte ſe, ſo ſol der herre in ahte tagen vf
ſinen eit andere an der ſtat kieſen, die dü kür vollefüren.
Swa aber der andern die des rateſ ſint, vnd die ſü zvo in
nement, ſomeſelig an der kor werent, ſo ſol der gemeine rat
ooch vf iren eid andere kieſen, an der ſtat, inrethalp ahte tagen,
dü ooch dü kor vollefüren, vnd ſüln ovch der ſcholtheize vnd
der borgermeiſter, vnd die drie deſ rateſ, die mit ein ander
vf vnzoht ſezzent, die denne ſint, ſo ir zil vſ gat, zvo dem ſit
geſezzet ſint, drie andere kieſen ze rate, ze dem ſcholtheizen,