Freiburger historische Bestände - digital

— 9 —

das es villiht herte oder ze milte were, das ſöllent ſü gewalt
han ze beſſerende, vnd ze ſweren oder ze lihterende nach
dem, als es ſü denne vns vnd der geſelleſchaft nütz vnd guot
dungket vnd ſollent wir daz denne alſo halten vnd ſtet han.
Were ouch, daz ſü üt anders gedechten vnd ze rat wurden
vmb dehein ander ſtuk, das ſü getrüweten, das vns vnd
vnſer geſelleſchaft nütz vnd guot were, das mögent ſü ouch
wol ſetzen vnd machen, ond ſöllent ouch wir das denne bi
vnſern eiden alſo halten ane alle widerrede ond geuerde.
Were ouch, das wir die vorgenanten vnſer houptlüte enderen
oder verkeren woltent, oder were, ob ir deheiner abgienge,
daz got wende, welhe wir danne an ir ſtat kieſen vnd ſetzen,
den ſollent wir alle gehorſam vnd gebunden ſin aller der
dinge, die an diſem brief geſchriben ſtant ze glicher wiſe,
als wir ietz diſen vnſern vorgenanten houptlüten gelopt hant,
gehorſam ze ſinde, ſlehtiklichen ane alle geuerde. Her über
ze eime offen vrkünde, vnd daz alle die vorgeſchriben ding
war vnd ſtete bliben, daromb ſo iſt von vnſer der vorge—
nanten geſellen alle wegen dirre brief beſigelt mit der obge—
nanten fünf houptlüten, vnd ouch darzuo mit her Dieth⸗
rich Snewlins im Hof, her Heinrich Turners, her
Heinrichs von Muntzingen, her Cuonrat Snew—
lins Bernlapen, her Peterman Snewlins, her
Johans Ruofen von Wiſwilr, her Hug Tröſchen,
her Ruodolf Statzen rittere, Cuonrat Gebens
vund Peters von Fürſtenberg, ingeſigeln. Vnd wir
Heſſe Snewli im Hof, Cuonrat Snepwli der
ſchultheizz, Cuonrat Meinwart rittere, Johans
Meigernieſſe, Heinrich von Kilchein, die houpt—
lüte, Diethrich Snewli im Hofe, Heinrich Turner,
Heinrich von Muntzingen, Cuonrat Snewli Bern⸗
lape, Peterman Snewli, Johans Ruof von Wiſ⸗
wil, Hug Tröſch, Ruodolf Statz, Cuonrat Ge—
ben vnd Peter von Fürſtenberg, die vorgenanten ver⸗
gehent, daz wir für vns ſelber, vnd ouch durch bette der
andern obgenanten vnſerer geſellen, onſere ingeſigele ze eim