Freiburger historische Bestände - digital

— 90 —

bechennen vnd tuon kunt offenlich mit diſem brief. Vmb die
änderunge vnd die neuwen aufſätz, die an des hochgepornen
fürſten vnſers lieben herren vnd vettern Hertzog Albrecht,
vnſer brüder vnd an vnſern willen vnd wiſſen hie ze Fri—
burg beſchehen ſind, daz ein ammeiſter gemachet, vnd die
rät verändert wurden, darumb ſi in vnſern vngenaden warent,
vnd darvmb wir ſy wolten geſtraffet haben, habent ſi vns
erbeten, daz wir ſi wider ze gnaden nemen, vnd ſind vmb
alle nachgeſchriben ſtuk vnd artikel hinder vns gegangen,
alſo wie wir vnd vnſer rat die ordnen vnd aufſetzen, daz
ſi die alle ewiklich vnd gäntzlich ſtät haben vnd volfüren wel—
lent, vnd alſo haben wir der vorgenanten von Friburg
bet erhöret, vnd ſi zu gnaden genomen, vnd haben darvmb
mit ſampt vnſerm rat erfunden vnd auſgeſprochen, vnd
ſprechen auch wiſſentlich mit dieſem brief. Des erſten, daz
ſi den ammeiſter ablaſſen vnd dhainen nyemer mer auffge—
ſetzen noch gehaben ſüllent. Item daz der obgenant Hert⸗
zog Albrecht, vnſer herr vnd vetter, vnſer brüder, wir oder
vnſer erben, einen ſchultheiſſen, auſſer dem rat ze Friburg
ewiklich nemen vnd ſetzen ſülen. Item wenn ſi ze Friburg
einen rat ſetzen wellent, das ſüllent ſi tuon nach rat vnſers
lantuogtes vnd zweyer vnſerer rät, die ſi dabey haben ſüllent,
möchte aber vnſer lantuogt dabey nicht geſein von was
ſache das wär, ſo ſol er einen vnſers rates dartzu ſchaffen,
der denn an ſeiner ſtat mit andern zwain vnſers rates bey in
ſitze, wenne ſi den rat ſetzent, vnd ſüllent denn dieſelben drey
tuon vnd gewalt haben, recht als ob der lantuogt ſelb dabey
were und als vorgeſchriben ſtat, vnd wie der ſelb rat beſetzet
wirdt, es ſey mit edeln, mit burgern, mit kaufleuten oder
mit zünften, dabey ſol es beleiben, vnd wenn man denſelben
rat wandelt, das ſol man alle iar tuon nach der ordenung,
als vor vnd nachgeſchriben ſtat. Item man ſol alle iar in
den egenanten rat nemen vnd ſetzen, von den edeln zwelf,
von den kaufleuten zwelf, vnd die aͤchtzehen zünftmeiſter,
vnd auſſ denſelben achtzehen zünftmeiſtern ſol man einen
obreſten zünftmeiſter nemen, alſo daz ir mit dem ſelben nicht