Freiburger historische Bestände - digital

— 109 —

geſeſſen ſint. Er weis ſinen namen nüt, der trüg ein grüne
glefe, vnd ein iunger iude der fuorte eine geis von Könſſ⸗
heim gen Colmer, vnd waz das am mondage vor dem
meigetage. Die iunden hieſſent in daz pulver werffen in die
burnen vmb vnd vmb, vnd hab ers geworffen i in den burnen
vnder Sigeltzheim.
Item er hat ouch verjehen, das in die vorgenanten iu⸗
den hieſſent gon mit dem pulver gen Rappoltzwilr zuo
den iuden, daz er'ouch tete. Vnd gieng des erſten in Men⸗
lins hus des iuden, do lieſſe er inne ein ſeckelin mit pulver
vor der küchin vnder dem böme vnder eime ſteine, ond
wuſte Menlin der iude wol daz er das pulver do lies, vnd
do hieſſe in Menlin der iude gon in die nider ſtat, vnd
hies in dez pulvers zuo ime nemen, vnd hies in ouch werf⸗
fen vmb vnd vmb in die burnen, ob er möhte. Vnd des
pulvers neme er zuo ime in ein ſeckelin vnd wolte es geton
haben, ond gieng, in die nider ſtat, vnd waz das die zit als
man daz ave Maria lütet, an dem meigtag zu naht, vnd
wart gefangen in der nidern ſtat, vnd wolte in Henſelin
Kouffes hus ſin gelegen, vnd do er gefangen wart, do ließ
er das pulver von ime fallen in den kot, wand er do gieng
vmb vnd vomb guckend, darumb wart er ouch gefangen.
Item ouch hat der egenant iude geſeit wer in lieſſe leben, er
wolte me iuden wiſen vnd zeigen die hie mitte vmb gant vnd
gangen ſint, die not müſten haben.
Item ouch hat er geſeit, daz ime die vorgenaͤnten iuden,
die ime daz pulver gebent gelt gabent, das er daz pulver
als in die burnen werffen ſolte. Wenne er wart gefroget,
warumb er es geton hette, vnd wes er die lüte zige, daz er
die als verderben wolte, ſprach er, daz er als arm were, daz
er es darum tete ond daz guot vil tete.
Item ouch hat er geſeit, das ein iude were in Menlins
hus, der were ein walch vnd den zech Menlin, daz er ime
ein buch verſtolen hette, vnd do ſpreche er, er wolte gen herus
ſloffen in eins criſtenmannes hus, do ſprach Menlin, daz
er daz nüt tete, er brehte ſü in not.