Freiburger historische Bestände - digital

— 325 —

denne vormals gehört hant, ſo hant der richſtetten botten
gantz in die eynung gehollen wie die berett iſt, die von Ba⸗
ſel nament ſich ze bedenckende, vnd ſint fünf botten von
Baſel hie, vnd iſt ir antwurt das ir fründe hinter die
ſumme des geltes der achttuſent guldin nüt anders komen
wellent, denne das die von Straſſburg daran geben ſöl⸗
lent fünftuſent guldin, vnd an den übrigen drintuſent guldin
wellent ſü nüt me geben, denne ein tuſent, vnd ſöltent die
richſtette vnd wir ſtette im Briſſgowe die zweytuſent gul⸗
din geben. Nun woltent der von Straſſburg botten da⸗
rin nit me ziehen, denne vmb viertuſent guldin, vnd ſpra⸗
chent, ſü hettent fürer nüt gewalt, doch iſt ſo vil mit inen
gerett, das ſüů vff hüt gen Straſſburg die ſache geſchriben
hant, des man alſo hie gewarten muß. Iſt nun ſache, das
die von Straſſburg die fünftuſent guldin geben wellent,
vnd die von Baſel nüt me denn tuſent guldin zu irem an⸗
teil geben wellent, da laſſent vns wiſſen wie wir vns darinne
halten ſöllent, wand die richſtette vnd wir gerne geſehen het—
tent, daz man das nach den gläfen angeſchlagen hett nach
markzal, daz wellent die von Baſel nit tun, vnd beduncket
vns daz ſü vnwillig ſient. Die von Baſel hant ouch gen
Straſſburg vnd den richſtetten geſchriben, daz ſü ir tref—
fenlich bottſchaft zu den ſibenen ietz hie ze Briſach habent,
vnd hant den von Briſach vnd vns davon nüt geſeit, daz
vns ettwas vmbillich nymet was ſy damit gemeynet. Iſt
aber ſache, das die von Straſſburg nüt me geben wel⸗—
lent, denn viertuſent guldin, da laſſent vns aber wiſſen, wie
wir vns denne halten ſöllent, wand die von Baſel ye nüt
hoher wellent denne ein tuſent guldin. Was wir ouch fürer
in den andern ſachen empfindent, wellent wir üch ouch ſagen.
Datum feria quarta post Vdalrici episcopi (7. Juli)
Anno XXIII.
Abrecht von Kippenheim, Vlrich Ruͤber
vnd Johans Vogt.
Den fürſichtigen wiſen, vnſern lieben herren, dem bur⸗
germeiſter vnd dem rate ze Friburg.