Freiburger historische Bestände - digital

— 443 —

geſicht dis brieſſs mit aller üwer macht vnd was zu üch ge—
hört, wol gerüſtet vnd wol erzüget, zu roß vnd zu fuß gon
Waltzhut zuziehent, auch damitte allen den gezüg, büſſen
vnd anders, er ſye üwer oder mins herren gnaden, ſo ir hin—
der üch bereit vnd verig habent, wenn man darnach fragen
werde, vnd üch daran nüt ſumen noch irren laſſent, groſſer
ſchwerer ſachen halb mins gnedigen herren land vnd lüte be⸗
rüͤrende. Batum voff ziſtag früge post Nativitatis Marie.
Anno LV.
Peter von Morſperg ritter, lantvogt.
Den erſamen wiſen, burgermeiſter vnd rat der ſtatt
Fryburg im Brysgemw, minen ſundern guten fründen.

DCXIL.

Die Herrſchaft verpfaͤndet ihren Zoll und
ihr Gericht zu Adelhauſen.

(8. Aug. 1456.)

Wer Albrecht von gots gnaden Ertzhertzog ze Oeſterreich,
ze Steir, ze Kernden vnd ze Krain, Graue ze Tyrol ꝛc.,
bekennen für vns önd vnſer erben offenlich mit dem brief,
daz wir vnſern getrewen, Vrichen Ryeder vnſerm
cammerſchreiber vnd Tiewolden Seplat vnſerm
diener, vnd allen iren erben mitainander vnuerſcheidenlich zu
gleichem tail ſchuldig worden ſein, vnd gelten ſüllen vnd
wellen, dreutzehenhundert vnd fünfftzig guldein reiniſch, gut
vnd gerecht an gold vnd wag, nach gmainer landſwerung zu
Freyburg im Breyßg an, die ſy vns durch vnſerer fleißi⸗
gen bete willen zu vnſerer merklichen notdurfft durch wechſel
ſwerlichen aufbracht vnd yetz berayt gelihen haben. Dafür
haben wir in, als gewaltiger regirender landsfürſt, mit wiſſen
vnd rate vnſer treffenlichen rete, vnſern zoll zu Freyburg im
Breyßg aw vnd onſer gericht zu Adelhauſen, wie dann
das vnſer ſtat daſelbs zu Freyburg vormalen inngehabt,
29 *