Freiburger historische Bestände - digital

— 449 —

(1.) Zu dem erſten wellen wir alle meiſter vnd ſchuler, die
yetz hie in vnſerm ſtudio zu Fryburg ſind oder hienach ber—
komen, vnd alle die hinweg zyehen in was ſtats, wirden oder
weſen die ſyen, in allen vnſernn lannden, ſtetten, dorffern
vnd gebieten, zu ſchirmen vnd zu hanthaben, in allen den
gnaden vnd fryheiten, rechten vnd gewonheiten, wie die in
gemein oder in ſunderheit, von den durchluchtigen hochge⸗
bornen kunigen furſten vnd herren, kunigen von Franckenrich
zu Paris, furſten von Peyern vnd Pfalentzgrauen by Rin zu
Heydelberg, vnd auch von vnſern vorfarn loblicher gedecht⸗
nüß, furſten von Oeſterrich zu Wienn irenn ſchulen vnd
vniuerſiteten, vnd in allen iren landen den meiſtern vnd
ſchulern derſelben gnedenclich gegeben ſyen vnd verluͤhen in
allem fug, als ob ſolich gnade, fryheit vnd recht der vor⸗
genanten dryer hohenn ſchulen, Paris, Heydelberg vnd Wienn,
hierinn alle vnd yetlich, in ſunderheit von wort zu wort gantz
eigentlich verſchriben vnd vergriffen weren.

(2.) Wir geben auch gantzen vollen gewalt vnſer vntuerſi⸗
tet gemeinlich „vnd ainer veglichen facultet in jſunderheit⸗ für
ſich alle ir meiſter vnd ſchuler, vnd alle die in zuſteen eigen,
zymliche vnd redlich geſetzten vnd ſtatut, zu merung, zu
nutz vnd beſtentlichem weſen vnd bliben, als dick in not wurd,
zu ewigen zeiten vfftzuſetzen vnd zu ſtatuieren vnd wider abze⸗
thun, wenn es ſie zymlich vnd ein notdurft ſin bedunckt,
vnd alle die in zugehoren mit penen, wie in eben iſt, ſoliche
ſtatut vnd ordnungen zu halten, ond wider die nit zu thun zu
verbinden. Doch das durch dieſelben ſtatut vnd geſetzten der
gemeinen vniuerſitet, deheiner faculteten in ſunders, keinerley
intrag, irrung, zwytracht oder ſchadens entſtee, oder zuge—
fügt werde. Soliche geſetzten vnd ſtatut wie die geſetzt werden,
globen wir für vns vnd alle vnſer nachkomen vnd erben, by
vnſern furſtlichen wirden laͤſſen vngeletzt, vnd gantz veſt vnd
ſtet zu bliben, ouch die niemer zu ewigen ziten zu verwan⸗
deln, abzethun oder zu reformieren gantz noch in teil, on der⸗
ſelben vniuerſitet vnd aller ir faculteten wiſſen vnd guten