Freiburger historische Bestände - digital

— 450 —

willen. Vnd ob wir oder vnſer nachkomen, oder ſunſt yemands
von den vnſern oder vnſern wegen ſolichs teten, das doch
nit ſein ſol, oder etwas in der vniuerſiteten oder an iren facul⸗
teten, on derſelben wiſſen vnd willen, als vorſtat, vnderſtün⸗
den pfzeſetzen, zu ordenen, zu handeln, zu verwandeln, zu
reformieren oder zu ſtatuieren) in welher wiſe oder form
das beſchehe, ſol alles gantz kein kraft haben noch gewinnen
niemer zu ewigen zeiten. Dann wir vns vnd onſern erben,
ſolich vniuerſitet vnd hohen ſchul haben furgenomen, allein
dieſelben ewenclich mit furſtlichen loblichen gnaden, ſchirm
vnd fryheiten, vnd nit mit regieren, mechtikeit oder einicherley
gewaltſamy an ſie zelegen, gott zu lobe vnd ſeiner lieben
muter Marien ꝛc., als vor in anfangks dis briefs geſchri⸗
ben ſtot, in vnſer obgemelten ſtatt Fryæburg im Briß⸗
gow veſtenclich zu hanthaben, vnd gnedeclich zu ſchirmen,
vnd ze halten. .
(3.) Darumb nemen wir in vonſern vnd vnſer nachkomen.
vnd erben ſunderlichen ſchirm, geleit vnd behütung, alle
doctor, meiſter und ſchuler, die yetz hie ſind, hienach komen
mögen oder hinweg ziehen. Deßhalben gebieten wir ernſtli—
cheſt, ſo-wir mögen allen vnſern vnderton, edeln vnd vn—
edeln, grauen⸗ herren, fryen, rittern ond knechten, bur⸗
gern, antwercksluͤten, vnd allen die vns zuhören, oder in vn—
ſern lannden wonen oder wandeln, als lieb in vnſer hulde
ſye, das ir deheiner kein meiſter noch ſchuler, die hie ſind,
herkomen oder hinweg ziehen, keinerley gewalt, ſchand,
ſchmochheit, leid, letzung oder vnrecht, ouch keinerley be—
trübnüß, mißhandlung oder übels, tu oder zufuͤge, mit
worten oder wercken, durch ſich ſelbs oder ander, oder ſchaf
geſchehen werden, von ſeinen oder ander wegen, an lib, an
gut, an glimpf, oder an ere, in welcherley wiſe oder maß
das (geſein) moge, heimlich oder offenlich, mit rat, dat oder
hilflich zuſchüb, ſunder dis nit geſtatt von yemants geſchehen,
als verre er da vor ſin moge alles on geuerde) Vnd wer
der oder die weren, die ſolich vnſer gebot brechen oder uͤber—
fuͤren, die oder der ſolten zu ſtund vnſer hulde verlorn ha—