Freiburger historische Bestände - digital

— 451 —

ben, vnd dartzu hundert ryniſcher guldin, die vns halb vnd
vnſer ſtatt halb Fryburg, on gnode zu peen geuallen ſollen,
zu der peen, die er ouch ſuſt verloren hett, noch der ſtatt
Fryburg vnd des lannds recht vnd gewonheit. Vnd den⸗
nocht nit minder ſol derſelb, oder die alſo vnſer gebott über⸗
treten, dem derſelb ſchade oder ſchmacheit geſchehen wer, ouch
beſſern nach dem rechten vnd gantz ablegen. Über ſolichs ond
anders, ſo maiſter vnd ſtudenten zu ſchaffen gewynnen mit
den vnſern, ſollen ouch vnſer amptlüt vnd ſchultheis, in vn⸗
ſer ſtatt Fryburg, oder an andern enden, da ſichs geburt,
in vnſern landen zu ſtund kurtz, vpßtreglich recht ſprechen
on alles vertziehen oder vfſchieben, alsbald ſie ſollichs ver⸗
nemen, oder in furbracht wurt, von wem das ſey, by vnſern
hulden zu behalten, vnd by verlieren aller ir empter, vnd an
obgemelten penen nichts ſchencken noch faren laſſen, als lieb
in ſelbs ſy, ſolich peen zu vermiden. Denſelben vnſern ampt⸗
lüten, allen vnd yedem inſunderheit, wir hie in kraft diß
briefs vollen gewalt geben, als dick des not iſt, uͤber ſolichs
recht zu ſprechen, vnd erberlich zu entſcheiden, alles getrewlich
vnd on alle generde. Were aber yemands vnder den, die
ſolich vnſer gebott brechen, vnd der doch nit mit gut mocht
gnug thun, den vorgeſchribenen penen oder dem rechten, der—
ſelb ſol ſolichs mit ſinem lib erarnen, beſſern vnd gantz ab—⸗
legen.
(4.) Wir wellen auch ond gebieten ernſtlich, allen vnſern
burgermeiſtern, räten, ſchultheiſſen, amptlüten, ſtatknech⸗
ten, gebutteln vnd andern enſern vnderton, als lieb in vnſer
hulde ſy vnd ir empter, das ſye keinen meiſter noch ſchuler
dem ſtudio zugehorend fahen oder ahen laſſen, noch ye⸗
mands geſtatten, hand oder gewalt an ſie zu legen, in dehei—
nerley weiſe vnd deheinerley ſchuld, mißtat oder verwurckung,
ſunder diß laſſen geſchehen von dem rector der vniuerſitet,
oder den dis von der ſchulen empfolhen wurt, nach irem
willen vnd geuallen. Wer aber das ir einer gefangen wurde,
das wir doch verbieten, on redlich vrſach oder vmb ſolich ſach,
darum ein ley mit kleinem von kumen möcht, oder das ſuſt