Freiburger historische Bestände - digital

— 543 —
DCCXXI— DCCXXXII.
Burgundiſcher Krieg.

(1474 — 1476.)

Min früntlich willig dienſt zuvor. Lieben fruͤnd. Wellend
wiſſen, das ſich die Burgundiſchen vff yetz donrſtag nach
mittag für Befurt gelegert, vnd habent opff geſter freitag
wol mit vier tuſing pferden herab, biß vff das Ochſenfelt
gerant vnd vmb Altkilch, vnd was ſoy dozwyſchend ergrif⸗
fen, das hand ſy erſtochen, gefangen, kilchen verbrant, prie⸗
ſter erſlagen, frawen vſgezogen vnd vil boſheit vnd uͤbelß
fuͤrgenommen. Dezshalben des heiligen riches vnd der gan—
tzen thüuͤtzüſchen nation, uͤwer vnd vpnſer aller notdurfft
mercklich heuſchett, fuͤrer nit mer zu firen, ſunder treffellich
darzu ze tunde ond des kein verlengerung mer zu haben.
Darumb ſo iſt min ernſtlich bitt vnd ermanung, das ir mir
von ſtund alle die reiſigen ſo ir gehaben mögend, harüber
gon Enſisheim ſchicken vnd doby ernſtlich beſtellen wellent,
das alles das fußvolk, ſo ir hand, mit wegen, ſtrittbuͤſſen,
coſt vnd andern geruͤſtett vnd gericht ſtend, vff wellichen tag
ich üch derhalb fürer botſchafft tun, das ſy dann ferig ſtend
von ſtatt ze rucken, dann man einen namlichen tag fürnemen
vnd beſtimmen wird, wo vnd an welichen enden alle huffen
von fußvolk, oben herab vnd onden hervyff zuſammen ſtoſſen
werdent, darzu ſich dann ouch die Eidgenoſſen richtent mit
macht zuzeziehen. Dorumb ſo wellent in diſen dingen ge—
trüwen flis haben, vnd die vmb dhein ding verziehen, dann
ſy weder wart noch beit erliden moͤgend. Datum voff ſampſtag
nehſt vor ſant Bartholomeus tag (20. Aug.) Anno Domini
LXXIV.
Herman von Eptingen
ritter, lantvogt.
Den erſamen wiſen, burgermeiſter vnd rat zu Fryburg,
minen guten fründen.