Freiburger historische Bestände - digital

— 625 —

ervordertt wyrtt, das dann der geſtrax mit denn uͤwernn, vf
daz ſterckiſt zu roß vnnd fuß, als inns veldt vnnd zum ſtrytt
gehortt, gericht ſyg zuzeziehenn ann die ennde dahinn er beſchei⸗
denn wyrtt, vnnd nit notturfft ſyge, erſt durch üwernn gann⸗
tzenn rat inn diſſenn dingenn zu hanndlenn, daz etwas lenn⸗
gerung brecht vnnd dadurch ichzit möcht verſumpt werdenn,
als mir nit zwyffelt, ir ſelbs zu thun geneygt ſygenndt, diſſe
ding der notturfft nach zum fürderlichſtenn zu betrachttenn.
Dattum illennd vf ſamſtag nach Vrbanny (27. Mai). Anno
LXXXXVII.
Caſpar fryherr zu Morſperg vnnd zu
Beffort, der koͤng. mai. obriſter houpt⸗
mann vnnd landtvogt.
Denn erſamenn wyſenn, burgermeiſter vnnd ratt zu Fry⸗
burg im Bryßgouw, mynenn guttenn fruͤndenn.

Ich Caſpar fryherr zu Morſperg vnd zu Be⸗
fort, oberſter houptman vnd lantvogt ꝛc., embüt den erſa⸗
men wiſſen, burgermeiſter vnd rat zu Fryburg im Briß⸗
gow, min fruͤntlich gruß zuvor, vnd verkünd üch hie mit
diſem offen brieff. Das ich an ſtatt koͤniglicher maieſtet dem
biſchoff von Stroßburg, ein offen vecht vnd vindſchaft zu⸗
geſchriben, deſſhalben man in offener vindſchaft gegen im vnd
ſin verwandten ſtot. Das wollen den üwern vnd den von
Villingen, Waltkilch, Triberg ynd den vier ſtetten
Waltzhut, Seckingen, Rinfelden vnd Louffenberg,
ouch dem wald, ond ſo wyt ir moͤgen, der koͤn. mai. verwan⸗
ten verkuͤnden, domit ſich menglich wiſſe vor ſchaden zu ver⸗
hüten vnd haben hienach zu richten. Vnd ſchaff doruff an
ſtatt der koͤn. mai. mit üch, voff das hoͤchſt gebietten vnd der
pflicht ermanende, domit ir der kön. mai. verbunden ſind,
das ir angeſicht dis brieffs mit den uͤwern vff das ſterckeſt wie
ir gemant ſind, hernoch zu mir gon Iſſenheim in leger
ziehen, damit durch üch nicht verſumbt werd. Zu vrkund mit
minem ſecret in ill verſigelt, vnd geben vff mentag post Na-
tivitatem Marie (11. Sept.). Anno LXXXXVIIͦ⁰.