Freiburger historische Bestände - digital

88

nen zu Worblingen ihrem Junckherren und Vogtherren dem von
Klingenberg, und ob er nit wär, ſinen Erben für ſinen Koſten und
Schaden, den er diſer obgerürten Kriegsembörung halben hat er⸗
litten, hundert Guldin der Stat Schaffhuſen Münz und Werung,
namlich zwaintzig Guldin uff ſant Martinstag im ſechs und zwainzi⸗
giſten Jar und demnach alle Jar uff ſant Martinstag zwainzig Gul⸗
din, bis die voll Summ der hundert Guldin ußgericht ſind, ohn
allen ſin, deſſelben von Klingenbergs und ſiner Erben Koſten und
Schaden bezalen. Darzu ſollen ouch für ſöllichen obangezaigten Ko⸗
ſten All, die ſo hinfür zu ewigen Zitten in dem Dorff Worblingen
Win vom Zapffen ußſchenken, Niemand ußgenomen, ſchuldig und
pflichtig ſin, ihrm Junkherrn und Vogtherren Hanns Heinrichen von
Klingenberg, ſinen Erben und Nachkomen rechten Inhabern dieß
Briefs, von jeclichem Aymer ſyben Pfening derſelben Landtswerung
Umbgeldt zu geben. Und ſoll ouch zu Worblingen Nieman Win
ſchenken, dann mit deſſelben ihrs Junkherrn und Vogtherren Hanns
Hainrichen von Klingenbergs, ſiner Erben und Nachkomen recht In⸗
habern dis Briefs, Gunſt und Willen. Zum Dritten, ob Hanns
Hainrich von Klingenberg, ſine Erben oder Nachkomen recht Inhaber
diſes Briefs, hinfür über kurz oder lang Zit vnderſtan wurden, ain
Huß in Hegöw zu buwen; allsden ſoll ain jeclicher Unterthan und
namlich der ſo Roß und Karren hat, mit denſelben ſinem Roß und
Karren ſechs Tagwan, und namlich der ſo nit Roß und Karren
hat, allein ſechs Lybtagwan in ihr jeclichs Selbskoſten und one des
von Klingenbergs und ſiner Erben Schaden ze thund ſchuldig ſin.
Zuſampt der andern Fronung, die ſy ſuſt von Alter her ſchuldig und
pflichtig ſyen. Doch ſollen ußgedruckt ſolch obangezaigt ſechs Tag⸗
wan nit mer dann uff ain Huß dienen, und ouch nit mer dann
ain mal geſchehen. Und dwyl ſy die thund, ſoll ihr Junckherr und
Vogtherr ihnen Müß und Brot mittailen. Damit ſoll aller Un⸗
wyll, der ſich zwüſchen Hanns Hainrichen von Klingenberg und
finen Underthanen zu Worblingen zugetragen hat, gantz tod und
ab ſin, und kain Tail dem andern des zu Argem noch Ungüttem
niemer mer gedenken, äffern noch rächen. Wir obgeſchribnen Vogt,
Gericht und ganze Gemaind gemainlich des Dorffs zu Worblingen
in Hegöw bekhennen uns für uns und unſer Erben und ewig Nach⸗
komen gemainlich und ſonderlich, daß wir gemelten Vertrag, wie den
als vor lut, die obgeſchribenen Thädingslüt uff unſer ernſtlich Bit