Freiburger historische Bestände - digital

199

mit gütem rate und rechter wißen das obgemelt lehen von dem egenanten Clausen
Wackerman aufgenommen und das furter den egemelten Henman Offemburg und
Wernheren Trugsesen mit allen seinen rechten nutzen und zugehorungen und
allem dem, was wir in von rechts wegen daran leihen sullen und zu leihen haben,

5 in gemeinschafft gnediclich verlihen und leyhen in das ouch von romischer keyser-
licher macht in krafft diss briefs, also das sy und ir lehennserben die nu furbaser
in lehensweise innhaben nutzen und nießen sollen und mugen von allermenglichs
ungehindert und daz sy ouch dasselb lehen, als offt es ze schulden kumpt, von
uns und unseren nachkommen am reiche zu lehen emphahen sullen, als recht

10 und gewondlich ist, doch uns und dem reiche an unseren dinsten und gerechti-
keiten und sunst yederman an seinen rechten unvergriffenlich und unschedlich.
Und die obgenanten Henman Offemburg und Wernher Trugsess sullen hiezwuschen
datum diss brieffs und sandt Michels tag schiristkunfftig dem Markgrafen Karl
von Baden, unserem lieben swager und kurfursten, darauff gewondlich gelubde

15 und eyde tun, uns und dem reich davon getrew gehorsam und gewertig ze sein,
als sich dann von solichs lehens wegen ze tunde geburt ungevarlich. Mit urkund
diß briefs versigelt mit unserem keyserlichen insigel. Geben zu der Newnstat an
fritag nach sant Urbans tag nach Krist gepurd vierzehenhundert und im sechsund-
funffzigisten, unsers reichs im sibenczehendenund des kayserthumbs imf unfften iare.

20 III. Wir Fridreich etc. embieten allen und yglichen kurfursten fursten,
geistlichen und weltlichen, prelaten graven freyen herren ritteren knechten
haubtlewtten vögten ambtlewtten schultheissen burgermaisteren schoffen richteren
retten bürgeren und gemeinden aller und yglicher stete slosser merkte dorffere
und gebiete und sünst allen anderen unsern und des reichs undertanen und ge-

25 trewen, in was steten wirden oder wesens die sein, den diser brief furkumbt
getzeigt oder damit ermont werden, unser gnade und alles gut. Erwirdigen hochgeboren
edlen ersamen und lieben getrewen. Uns hat der hochgeboren Albrecht,
ertzhertzog zu Osterdell etc. unser lieber brueder und furste, hören lassen ab-
geschrifft aines offen briefes, darin unser und des reichs lieb getrew schultheissen

30 rate und gemeinde zu Pernn in Üchtlannd und zu Soloturnn ettlich burger
zw Lauffenberg umb aindlef tausent guidein von des costens wegen ettwann
ires zugs und legers für Lauffenberg in laistung gein Basel ermonenn, und uns
dabei underrichtet, daz in crefte einer berednüss und bericht am negsten zu
Costenitz beschechen innhalte, das alles ungegeben gelt brantschatzung und

35 Schätzung nicht gegeben werden und ledig, und ob yemant dafür bürg oder hafft
sey, der sol auch ledig sein, wie dann das dieselb bericht aigentlicher ausweist,
solich ire vodrung abgetan sey. So haben dieselben von Pernn und Soloturnn
sider derselben bericht in dem sechsundvirtzigisten iar negstvergangen beschechen
um solich gelt kein vodrung getan, dann erst zw disen Zeiten, darumb dann solich

40 monung und vodrung gar unbillich dawider und nach allen kerkommen der
Sachen gein den von Lauffenberg von in furgenommen werden. — Wir vernemmen
auch, wie die vorgerurten von Pernn und Soloturnn und ir mitaidgenossen von
derselben aindlef tausent gülden wegen und aus andern schuldigungen, so sy
demselben unserm brueder und den seinen und die im zu versprechen steenn,