Freiburger historische Bestände - digital

76

MARBURG.

Inclutae Academiae | Eberhardinae Carolinae | Tubingensi | die IX. Mensis Augusti a. MDCCCLXXVII j
quarta saecularia | sollemniter celebraturae | piis votis pro incolumitate ejus et perpetua | salute
susceptis | gratulantur | Universitatis Marburgensis | Rector et Senatus. | Insunt Fasti Prorectoruni
et Rectorum universitatis Marburgensis a saeculari ejus anno MDCCCXXVII usque ad lioc
tempus deducti, quos composuit | Julius Caesar, Philol. et Eloquent. P. P. 0.
Marburgi. | Typis Academicis Roberti Friderici.

ACADEMIAE MARBVRGENSIS | RECTOR CVM SENATV | VNIVERSITATIS EBERHARDINAE CAROLINAE)

TVBINGENSIS | RECTORI ET PROFESSORIBUS | S. P. D.

Nolite mirari, quod invitationi benignissimae, qua ad sollemnium saecularium Vestrorum societatein
nos vocavistis, respondemus misso eo libello, qui ad nostras potius quam ad Vestras res pertineat. Quod non
solum eam ob causam facere ausi sumus, quoniam artiore omnes Gerrnaniae universitates copulari affinitatis
vinculo, ita ut nulla alienam rem agi existimare possit, ubi singularum fortuna sive secunda sive adversa
agatur, hi ipsi dies festi testes sunt luculentissimi, sed vel maxime ideo, quod nostra academia inde ab incuna-
bulis quadam sanguinis coniunctione Vestram attingit. Accedit quod ea ipsa occasio, qua ad edendum liunc
libellum adducti sumus, quamvis cum publica Vestra sollemnitate minime comparari possit, similiter tarnen
animos nostrorum civium bis ipsis diebus movit, atque Tubingam proximis diebus concitatum iri consentaneum
est, ita ut Vestrae laetitiae etiam magis participes esse possimus. Quo autem erga Vos simus animo et qui-
busnam ominibus prosperitatem Vestram prosequamur, coram declarare volumus collegas coniunctissimos, quos
ut benigne excipiatis nostramque huius laetitiae partem in se suscipere sinatis summopere rogamus,

CAROLUM FUCHS, et GUILIELMTJM ROSER,

Iuris utriusqiie Doctorem et P. P. 0. Medicinae Doctorein, Chirurgiae P. P. 0.

curatorii universitatis uostrae collegam, Kegi nostro a oonsiHis rerura raedicaruin iutimis,

quorum alter e Vestra patria disciplinaque oriundus tantum abest ut nostrae commendationis indigeat, ut diu
noster maiorem in modum nostras res Vobis commendare possit. — Valete nobisque favere pergite. — Dab.
Marburgi d. III. m. Augusti a. MDCCCLXXVII.

PRAG.

Inclutae Academiae [ Eberhardinae Carolinae | Tubingensi | Sacra Saecularia quarta | Ante diein V.
Idus Augustas a. p. Chr. MDCCCLXXVII j auspicato celebranda | amica mente gratulantur | Academiae
| Carolinae Ferdinandeae Pragensis | Rector et Senatus. J
Subjunctae sunt Gustavi Linkeri quaestiones Horatianae.
Pragae, Typis Henrici Mercy.

Laetissimam eius diei memoriam, quo quattuor abbinc saeculis Tubingensis academiae primordia coe-
perunt, ne Pragensis quidem antiquior sed germana soror bonis faustisque ominibus ac votis colere et observare
noluit, quo publico documento testaretur, perpetua studiorum communione ac firmo artis vinculo bonarum lit-
terarum sedes inter se iungi iunctasque teneri. Quae memoria gratior et sanctior fit eo, quod salutaturi sumus
sororem grandaevam illam sane et centum Olympiaduni maturitate venerabilem, sed integro eandem aetatis et
flore et robore pervigentem, cui quidem contigit, ut temporum decursu per varias rerum vices novis semper
eisque incrementis aucta pubesceret, quae plus semel optimis litterarum atque artium studiis quasi facem prae-
tulerunt. Sic factum est, ut stirpis generosae fama strenuae virtutis nobilitate augeretur, cuius laus civitatis
omnino moenibus maior per annorum Seriem latius et laetius efflorescebat.

Salve igitur, academia quadrisaeclisenex senii expers, quae nostra rursus aetate excrevisti eo, ut artium
liberalium numerum septemgemino ordine aequares, salve inexhausta nutrix studiosae iuventutis, cui contigit
inter bortos tuos et amoenas ripas quaerere verum, salve Tubingae decus et Suebiae lumen et Gerrnaniae per
saecula ornamentum !

Q. B. F. F. F. Q. S.