Freiburger historische Bestände - digital

KIEL.

ALMAE OPTIMORUM STUDIORUM MATRI

IWIVERSITATI INCLUTAE

EBERHARDO-CAROLINAE TUBINGENSI

FESTAM MEMORIAM
DIEI IX. MENSIS AUGUSTI ANNI MCCCCLXXVII

QUO DIE

ANTE HAEC QUATTUOR SAECULA CONDITA EST

PIE GRATULANTUR

UNIVERSITATIS CHRISTIANAE ALBERTINAE KILIENSIS

RECTOR ET CONSISTORIUM ACADEMICUM

Recurrit saeculis vertentibus dies festissimus, qui laetitia sua non minus nostra, quoruni patriam
Baltici maris unda adluit, pectora perfundit, quam eorum, quorum sedes Alpium iugis finitimae sunt. Quem-
admodum enim in montibus Vestris patriis viatoribus saepe evenit, ut editissimam aliquam stationem escendant,
unde uno oculorum conspectu et locum, unde profecti sunt, et totam, quam emensi sunt, viam lustrare possint:
ita hodie Academia Vestra gratissimo erga saeculorum rectorem animo viam illam quadringentorum annorum,
qua a primis incunabulis ad hunc terminum pervenit, recordatur. Et quam viam! quo virtutis et gloriae
splendore nitentem!

Occurrit primum comitis generosissimi Eberhardi Caroli species, qui consilio prudentissimo ita sibi
persuaserat, eum demum populum "vere felicem et fortem esse, qui non dextera tantum et armis valeat, sed
quem ingenuus litterarnm amor ad altiorem in omni studiorum genere cursum accendat; occurrit deinde sti-
patum praestantissimorum virorum agmen quorum venerandam memoriam tantum abest ut vetustas, virtutis
humanae ceteroquin obtrectatrix, nocte et tenebris obruere potuerit, ut cum decus olim et ornamentum Ger-
maniae fuerint, vel manes eorum et umbrae buice diei infinitam quandam lucis et gloriae copiam circumfundant.

Etenim cum hoc omni tempore maxume proprium Germaniae populis maxumeque Germanicum fuerit,
ut nil illi neque dulcius sibi neque pretiosius, quam veri investigationem ducerent, ut verum propter se ipsum
nullo externo commodo commendatum expeterent et vindicarent, denique ut prae iila aeterna et divina recti
veri pulcbri specie reliqua omnia humilia et parva iudicarent: Vestra bercle Academia eum semper cursum
tenuit, ut in bis studiis omnibus propugnatricis atque signiferae partes sibi vindicaret, saepissumeque factum
est, ut Vestris professoribus non solum sui cives academici, sed universa Germania pro auditorio esset.

Jam igitur Academiam Vestram per quattuor saecula studiorum patronam eximiam auspicatissimo
hoc die votis sincerissimis prosequimur, sensuum vero nostrorum interpretes duos e coetu nostro collegas rni-
simus. Faxit Deus optimus maximus, ut pulcherrimus, quem egregie maiores Vestri pepererunt, egregie Vos
ipsi tuemini, universitatis Vestrae flos per longam futurorum saeculorum seriem integer et incolumis, nec ullo
unquam adversae fortunae ictu concussus duret, maneat. Valete.

DATUM KILIAE APUD HOLSATOS DIE IX. MENSIS AUGUSTI ANNI MDCCCLXXVII.

L. S.

Kiliae. Ex officina C. F. Mobr (P. Peters) 1877.

(Tafel in Bolle.)