http://dl.ub.uni-freiburg.de/diglit/tuebingen1878/0121
UPSALA.
UNIVERSITATIS UPSALIENSIS
RECTOR ET SENATUS
S. P. D.
RECTORI ET SENATUI
ÜOTVERSITATIS TUBINGENSIS.
Tubingensi TJniversitati jani peracta IUI secula pie celebranti magnae justissimaeque causae sunt,
cur sincere congratuletur Universitas Upsaliensis.
Nani praeterquam quod omnes Universitates, ubicuuique terraruin collocatae sunt, scientiae atque hu-
manitatis lumen non solum suo quaeque populo praeferunt, verum etiam cum ceteris communicant ideoque
quae laeta ac prospera uni alicui eveniunt non possunt quin ceteris quoque laeta videantur, singularis quae-
dam inter Tubingensem Universitatem et Upsaliensem necessitudo intercedit. Nam si omnes Universitates non
sine causa sorores dici solent, Vestra et Nostra geminae meritissimo appellari possunt, ut quae a populis
eadem Stirpe prognatis eodem anno sint conditae similesque casus ac vicissitudines rerum espertae. Quae
omnia reputantes grateque simul recordantes baud paucos nostrates non solum studiosorum ex numero, sed
etiam eorum qui nunc docendi munere bic funguntur, Clarissimorum Tubingensinm Professorum institutione
ac disciplina usos esse, gratissimo officio satisfacere nobis videmur, quum omnia fausta ac felicia Vobis inclu-
taeque TJniversitati Tubingensi es animo esoptamus.
Fasit Deus Optimus Maximus, ut ITniversitas Tubingensis etiam per futura secula incolumis maneat
et salva! floreant et vigeant etiam in posterum studia et docentmm et discentium uberesque fructus et ad
Germanorum et ad universi generis bumani culturam profundant!
Valete Nobisque favete!
UPSALIAE CALEND. AUG. ANNI MDCCCLXXVII.
• C. Y. Sahlin
Rector Universitatis Upsaliensis.
(Tafel in Bolle.)
15
http://dl.ub.uni-freiburg.de/diglit/tuebingen1878/0121