Freiburger historische Bestände - digital

Eine schreckliche Historia"

159

inwendig in seinem Leib ist beschwert worden, vnd krank-
heit je lenger vnd fester sich gemert, bis etwo zwischen
Pfingsten vnd Ostem hat es inen in einer Seit so hart vnd
sehr gestochen, das etwo ein beul im ist daselbst aufgefaren,
welchen er weiland dem Bader von Ettenstat, meister Hansen,
hat lassen aufschneiden vnd aus seiner Seiten im lassen herauss
schneiden ein langen eisern nagel, welcher noch für äugen
ist vnd viel menschen denselbigen gesehen haben. Nachfolgend
aber hat dennoch der gross vnseglich schmertz nit
wollen ein end haben, sondern nur hefftiger worden vnd so
hart zugenommen, das der arm mensch oft von synnen ist
kommen, hin vnd wider wie ein törichter mensch irre geloffen
, so lang bis itzunder in dem herbst auf den tag Matthei
(21. Sept.) zu morgens frue zwischen 7 vnd 8 vhr hat er
ihm selbst in solchen jämmerlichen vnbesunnen schmertzen
mit einem scharfen messer den hals vnd die gorgel abgeschnitten
vnd ein solchs gross loch gemacht, das einer hat ein
faust hinein legen mugen, wie dann mir vnser Bader, meister
Eucharius Rosenbader, selbst gesagt hat, welcher vber ihn
ist gefoddert worden, vnd hat dennoch nachmals mit grosser
vemunft vnd reu on allen naturlichen speis, den trank auss-
genommen, gelebt bis an den freitag vor Francisci (3. Oct.)
zu abend zwischen 6 vnd 7 vhr sein leben seliglich, wie
wir hoffen, geendet, aber, weil er noch lebte, hoch vnd fleissigk
gebeten, so er gestorben sey, das man seinen leib wolle
offenen vnd doch besehen, was im solchen vnseglichen
schmerzen zugefügt hab, welches nachfolgend am tag Francisci
zu morgens zwischen 8 vnd 9 vhr mit vorwilligung
der oberkeit, des pflegers zu Sansehe ]) vnd des verstorbenen
beyderley freundschaft zu fiegenstal auff dem kirhof
durch Meyster Eucharius Rosenbader von weyssenburg ist
geschehen wie folgt. Nemlich am tage Francisci (4. Oct.) vormittag
hat man die freundschaft des verstorbenen sampt
andern nachbauren vnd biderleuten lassen fordern, vnd sampt-
lieh mit der leich auf den kirhof gegangen, aldo meyster

') Schloß Sandsee bei Fiegenstall, jetzt dem Fürsten "Wrede gehörig.