Freiburger historische Bestände - digital

Zur Geschichte des deutschen Buchhandels im 15. Jahrhundert 217

sanct Anthonien tag1) anno LXX1X haltende an Conrat Jnckus2)
und Petern bede buchdrucker und gemendre zu Mentze also genant
umbe ire gut, so Johannes Freyg mit vollem verschriebenen gewalt
zü gerichte verlesen gnugsam erkennet Bernhart Jnckus von Frankfurt
und von sinen wegen mit dem stab zu Frieburg gefront , vor
gerichte verrechtiget und ufgeboten habe inne vierzehen tagen den
erhsten zu losen etc. Mit fürterem inhalt han ich gelesen und solicher
verkundigunge danken ich uwer wissheit flissiglich und fugen uch
zu wissen, das Peter Schoffer von Gernssheym und ich. Conrat
Henckis von Gudensperg in sampt handel zu Frieburg etliche büchere
der universiteten zu gude daselbs zufuren lassen haben. Ob das-
selbige unser gut und büchere durch Bernhart Jnckus von Franck-
furt angefallen oder behempt ist, wissen wir nit von was Ursachen,
haben auch desselben Jnckus forderunge oder beschuldigunge an uns
noch nie gehört oder vernommen. Wir wissen auch nichts mit ime
zu haben, "deshalb mich soliche sine korze, stumpfe anfertigunge nit
wenig bestimpt. Und nochdem nu der gemelte Peter Schoffer, miner
stifdochter man, itze ein zit lang nit inne heimsche, sunder uswendig
lands gewesen und noch nit inne heimsche ist, und wir inne den
dingen samptlich handeln, darumbe so bitten ich uwer wissheit. ire
wollent die dinge verziehen und damite nit also gestatten zu ylen
unser gut hinweg zu singen. Ich bin inne meinunge und wil binnen
korze inne abewesen meines eidens vorgemelt bei uch inne den
dingen einen gewalt senden, wie der sin furneraen zureden und
underrachtunge zu thun. Und ob Jnckus sin fürnemen gründen und
setzen wurde von der gemeinen stat Mentze wegen, so soll uwer
wissheit durch solichen minen anwalt ein soliche redeliche underrachtunge
furbracht werden, dadurch unser gut, als ich getruwen,
von ime mit recht entslagen werden sülle, und uch herinne gutwillig
bewiesen, das mit unserem gute also hinweg zu slagen nit geylet
werde, das Wullen Peter min eiden und ich gerne verdienen. Ge-
schriben under meiner pitschit uf mantag nach sant Dorotheen Dag
anno ec. LXXIX.

Conrat Henckis von Gudesperg
buchdrucker etc.3)

J) 18. Januar.

2) Soll heißen: Henckis. Ueber diesen Schwiegervater und Geschäftsteilhaber
Peter Schöffers vgl. Archiv f. Gesch. d. dtschen. Buchhandels
12, 68 u. 105; 11, 178 und die oben angeführten Stellen.

8) Pap., Oripr., Siegrel abgegangen.