Freiburger historische Bestände - digital

218

A Ibert

2) 1479 Februar 9, Mainz.

Den ersamen unsern lieben besondern amptman, schul-
tessen, burgermeister und rate zu Fryburgk im Bryssgaüwe.

Diether von gotts gnaden erzbischof zu Mentze etc. und churfiirst.

TJnsern gruss zuvor. Ersamen, lieben besondern. Uns langt
an durch unser diener und liben / getruwen Conradten Henkyss und
Petern Schofer von Gernssheym, wie ine einer gnant / Wilhelm von
Lichtenfels Statthalter des schultessenampts bi uch inhalt eins ufin
versiegelten briefs, das ire gut von Bernhart Jnckus von Franck-
furdt und von sinen wegen mit dem stab zu Friburg gefront, vor
gericht verrechtfertigt und ufgeboten sei etc. verkündet habe, in
massen ire des auch us Schriften desselbigen Conradten Henkyss hierbi
gefertigt genüglich unterrichtung entphinden werdent. Solichs uns
dann nit wenig befrembdet, angesehen als wir verstehen, die gemelten
unsere Diener keins mit ine zu thun noch auch heutbetag ob er
ichts gein sie furzunemen vermeinte, ustrags vor uns zu verfolgen
weigern wolten, sich erboten haben, darzu wir irer auch mechtig sin.
Wo abir die forderung us gemeiner schuld unser stadt Mentze Ursachen
haben solte, mögen wir abirmals den furnemen kein pillichkeit
geben. Nachdem wir das zuvoran von Bernhart Jnckus noch gestalt
derselben unser stadt Mentze nit ersucht sin, uns auch des mit unserer
geburlichen antwort gein ine zu halten wol gewust hetten, so sint
auch die berurten beswerten nit unsere burger zu Mentze. Hierumb
begern wir au uch gutlich mit ernstlicher ersuchung, ire wollet be-
nanten Jnckus sins mutwilligen furnemens nit gestehen, sonder daran
sin und schafien, soliche beswerung ungesumet abegestalt, die unsere
also wider billichkeit nit umbgetrieben noch beschedigt werden unser
zusampt der billichkeit zugeniessen als wir uns zu uch versehen, ire
selbst des us anzeigunge der Sachen verhandelung wol geneigt sie
sollet zu enthebung ferrer kost und mühe. Daran bewiset ire uns
besonder denklichs wolgefallen, das wir auch wiederumb in glichem
gnediglich zu bedenken nit wollen vergessen. Geben in unserer
stadt Mentze am Dinstag sanct Appollonien tag anno ec. LXX nono.1)

') Pap.. Orig., Siegel abgegangen.