Freiburger historische Bestände - digital

Ttwv (.Tesehiehte des deutsche« Buchhandels im 15. .1 ahrhu udert 225

buchtrucker. Zudem legten si etlich missiven für uns, in den sich
Peter Schäffer und Conrat Henckis underschribent von Mentz, in
meinung, gnugsamlich fürbracht haben, das die beid von Mentz zu
diser acht vergriffen sigen und daz Bernhart Jnkus demnach die
bücher in craft erlangter recht vervolgen sollen. Doctor Johanns
und Walther Roland redten dawider, menger schrib sich in briefen
von einer statt und hett doch weder lib noch gut under derselben
statt pflicht; so sitz menger in einer statt und sig doch derselben
statt nüt verbunden, derglich personen wir bi uns ouch haben. Peter
Schäffer sitz ouch in der gestalt zu Mentz, nit als ein burger noch
zu der acht verwandt. Darumb si nit hoffen, das furbracht sig nach
lut unser vorigen urteil und sollen der clag und hafts lidig erkennt
werden. Joss Lentzlin redt, wir hörten, der widerteil gestund be-
sunder, daz Peter Scheffer inwoner zu Mentz were, den begriff die
acht und het sich zu Rotwil nie verantwort; so were Bernharten
in craft diser erlangung ir gut zu Basel ouch vervolgt , und satzts
wie vor. Und als doctor Johanns meldet, die beid weren nie er-
vordert noch geladen, warumb si sich dann verantworten Sölten in
vertruwen, diewil si allein ir hantierung zu Mentz gebrucht in friheit
und fürworten gesessen, mit burgrecht noch andern dingen der statt
nüt verpflicht, noch diser aucht verwandt, und meinten, diss fürbringen
wer nit beschehen nach lut der urteil, und solten der clag und hafts
mit recht lidig werden, und bidersit die sach zu uns ins recht satzten,
hand wir zu recht erkennt: Bernhart Jnkus noch sin anwalt haben
nit fürbracht nach lut unser vorgesprochen urteil.

Nach offnung diss spruchs begert doctor Letscher lidigung
der ansprach und hafts irs guts; das wolt diser teil nit zulassen und
hofften, si solten mit recht niemer lidig erkennt werden, sunder das
gut in haft bliben. Wart von uns witer zu recht erteilt: dwile nach
unserm rechtlichen erkennen von wegen Bernhart Jnkus nit fürbracht
ist nach lut vorgesprochner urteil, daz dann Conraten Henckis und
Peter Schäffern ir gut und bücher der clag und hafts bi uns lidig
vervolgen sollen. Und geben des zu urkund beiden teilen uf ir beger
glich briefe under unser statt secret versigelt uf mentag sant Fran-
ciscus tag anno etc. LXXVIIII0.1)

*) Pap., Kopie (gleichzeitig).
Alemannia N. T. I. 8. 15