Freiburger historische Bestände - digital

228

Albert.

gönnden und getruwten im der clag halb weiter nit zu antwurten
haben.

ßernhart Jnckus Hess darwider reden, sein clag were nit, das
im das recht nit gangen were, sonder si weren gnugsamlich bericht
und wissent, das die guter seiner ächter, die dann zu Menntz hus
und roch hetten, und begert nit mer, dann das si derzu sagten: ja
oder nain. Man hett auch das an dem gerichtzhandl, den si hetten
lassen verlesen, und besonder an seinen dargestalten kuntschaften
und briefen söllichs wol verstanden. Si hetten im auch seinen urtail-
brief, den er in der glich Sachen zu Basel erlangt und zu Fryburg
zu verhören begert hett, nit wollen hören, der im dann wol und
nützlich hett mögen sein. Auch der Sachen halb ain ganze leutrung
geben und ob das not were, begerte er denselben brief vor uns auch
zu verhören und über söllichs alles und besonder das si gewisst,
das die zwen zu Menntz hus und rouch hetten, hetten si im die
guter nit wollen lassen verfolgen, sonder seinen achteren haim und
von im ledig gesprochen. Und dwil das hofgericht und alle recht
wisen, wa ainer seiner ächter güter, die er dann mit recht erlangt
hät, ankompt und begert im die in craft seiner erlangten recht erfolgen
zu lassen, als er auch des an die von Fryburg und besonder als
seine Schirmherren erfordert und auch darzu bibracht hät, das die güter
seiner ächter, die dann von Menntz seien, erfolgen und werden lassen
soll. Und dann die von Fryburg das nit getan haben, so hoft er, si sollen
im darumb wandl und bekerung tun mit ablegung costen und schaden,
oder es solle darumb zu in gericht werden mit aucht und ainlaitin.

Der von Fryburg anwait Hessen darzu reden, si hetten in
diser sach niemand zu lieb noch zu laid, sonder geurtailt und gehandelt
nach ir besten verstentnus, als man auch das an dem gerichtzhandl
wol vermerkt hett. Si hetten im auch brief und anders, so
er der sach halb im rechten zu verhören hett, begert oder dargelegt,
gefarlich nit versagt noch abgeslagen, sonder baid tail gnugsamlich
und nach notturft verhört, auch nit gewisst gott darumb zu verant-
wurten und weren söllicher swerer clag von Bernhart Jnckus billich
vertragen, hoften im auch dabi nichtzit schuldig zc seind.

. Und als baid tail die sach mit mer worten zurecht satzten,
fragten wir die urtailsprecher des hofgerichtz der urtail und des
rechten. Die haben nach unser frag mit gemainer gesamnoter urtail,
als recht ist, ertailt: Mögen schulthaiss, burgermaister, raut und gericht
der statt Fryburg vorgenannt, als si ungefarlich in irem be-
leuten raut und an dem gericht sitzen, sweren gelert aid zu gott