Freiburger historische Bestände - digital

Die Weistiimer des (Gotteshauses u. der dlottcshausleute von Amorback g<)

von Adlaczheym], die da vogthern |Hettigenbeuern
sin des obgenanten dorffs [Hedegebuern], die scheppfin
gemeinclich vff ir eyde, die sie yn vnd dem gericht
globt vnd zu den heiligen gesworn hetten, daz sye
dem apte vnd syme clostir die recht vnd die fryheid
offin wulten nach dem, als sie got dar vmb ent-
wurten wulten.

Item zu dem ersten sprachen sie vnd wyßten zu
dem rechten, daz daz gericht halbs eynem apte vnd
syme closter zu gehört, vnd auch die büße halb eyns
closters ist, vnd die vogthern haben den stab in der
hand an dem gerichte, vnd waz sie laßen an der büß
on silber, on golt odir on myet, ee daz gericht ein
end hat, daz sal auch eyn apt farn laßen.

Item wan es not geschieht, daz man eyn siebenden
haben sol, so sal des closters knecht den siebenden
gebietten, hegen vnd auch fregher sin vff allen
guden vnd auch nyemants anders.

Vnd daz clostir zücht auch die bestenheupt vor
allen andern herren von der herdstad vor, dar nach
der lypherre; vnd Avere es, daz eyner mere gute von
dem closter hette, der gebe auch me bestheupt, vnd
sulten auch als lange ziehen, biz sie dem closter daz
beste gezugen.

Item auch geen alle gute von eyme apte vnd von
syme closter zu lehen vnd geben auch im hantlon,
vff zu geben vnd zu enphahen, als gewonlich ist.

Item daz closter nympt auch alle vaßnachthuner.

Item auch sal eyns closters knechte verbieden, daz
man nyeman keyn stroe oder kein heuwe von den
guten laß füren, wan die gut von eym apt vnd von
sym closter zu lehen geen.

Item were es, daz gut da weren, die bufellig
weren, so hat eyns closters knecht den gewalt dar vff
zu gebietten, wyder zu buwen, vnd nyemants anders.

Item dez closters knecht pfendet vmb des closters
gulte vnd recht.

Item were es, daz ein büß fellig wurde, so sal der
vogthern knecht des closters knecht pfand geben, ob
ja nit mer da were dan daz selbe pfand.