Freiburger historische Bestände - digital

Eine Freiburger Rechtssammlung aus der Zeit um 1340 249

§ 24. Da kint pfleger hant, wie man die sol ansprechen.

Wa kint sint, die wissenthaft pfleger oder sallüte hant,
het die kinde ieman iearum! üt an ze sprechend der sol die
pfleger oder sallüte darumb ansprechen an der kinde stat, und
soent ouch die darumb ze reht stan und darumb entwtirten, und
was uf die pfleger gevieli, das sol gan uf die kinde und ir guot
und nit der pfleger.

§ 25. Wie23 man pfant sol künden ze loesend, die verreht-

vertiget sint.

Wa ieman eim sini pfant froenet und die verrehtvertiget
vor geriht als reht ist, wenne man ime denne die pfant künden
sol ze loesende, das sol man tuon als der stette reht ist; wer
aber der, dem man die pfände sol künden ze loesend, vom
lande, das der rat erkandi, das er von land were, so mag der,
der die pfand in gefroende hat, künden sinen nehsten erben,
das die die pfände loesen in den zilen als ouch der stette
reht ist.

§ 26. Wie man kinde usser den gefangenen guetern

beraten mag.

Wa ein man oder ein frouw gefangeni gueter het, die
sinen kinden gefangen sind, der man oder die frouwe, ob ir
man tod ist, mag wol die kint davon beraten zuo gotte oder
zuo der weit und dem kinde, das es beraten wil, geben von
den gefangenen guetern so vil als ime angeziehen moehte ze erbe
der es teilen sölte, doch also das man mit24 daran übergriffe,
das man ime üt me gebe denne ime ze sinem erbteil geziehen
möhte; wil aber das kint mit minrem benuegen, das mag es
wol tuon.

§ 27. Wie einer, den man überschribet, gast ist.

Wenne einer dem andern ustegdinget mit geriht als der
stette reht und gewonheit ist umb schulde oder warumb es
denne ist und so er ime sin burgschaft kündet ze lösende in
aht tagen ouch als reht ist mit zwein burgern oder mit einem
kündbrief, wenne die aht tag us komment, so ist er gast gegen

S3 S. 63. 21 S. 64.