Freiburger historische Bestände - digital

Eine Freiburger Rechtssammlung aus der Zeit um 1340 253

das die der rate selbe lihen und besetzen sol und nieman
anders.

§ 34. So-35 einer ein huse, das er umb zins empfangen het,
eim ander fürbas lihen wil.

Lihet einer dem andern ein hus umb zins, so muos der,
der es empfangen het, selb dar in ziehen und mag es nüt für-
basser einem andern gelihen denne mit des willen, des das hus
ist, von dem er es empfangen het36.

§ 35. So einer zwivalt gelt ab eim guot verkouffet oder
ein burger machet an einem hns da gelt ab gat.

Wa deheiner ist dero, über die wir ze gebietend haben,
der gelt verkouffet ab einem guote, weler leyg das ist, und dar
nach andern eine oder zwein oder wie menger dero were ab
demselben guot aber ze kouffend git und sprichet, das vormals
kein gelt darab gange, und das gelt ze kouffend git für lidig
eygen, oder üb einer ein guot verkouffet das nüt sin istr oder
wie das guot anders verkümbert ist denne als er das guot
oder das gelt darab ze kouffend geben hetti, oder üb einer gelt
verkouffet ab briefen oder ab gelte, das er von eim andern
hetti, und denne das gelt umb in widergekouffet wurdi, und er
das nüt kunt teti dem, dem37 er denne gelt ab dem selben gelt
ze kouffend gegeben hetti, wer dirre stucken deheines überseit
wirt vor dem rate zuo Friburg mit lüten oder mit briefen als
den rate oder den merteil des rates benueget, und der selb
rate erkennet, das der, wer der ist, dirre stucken deheins getan
het und es den rate oder den merrenteil gevarlich duncket, so
sol der, der das getan hetti, gegen dem, dem er das guot oder
gelt ze kouffend gegeben hetti, derihti gast sin und mag ime
der derihti unverzogenlich, üb er wil, mit geriht arfe fürgebieten
an lip und an guot vallen untz das ime vergolten wirt, und
verhütet im darzuo der rate die stat fünf iare, und sol also
gegen dem gast sin alle die wil untz das er ime das also uf-
gerihtet und vergütet. Were aber das dirre stucke deheins
groesselich und gevarlich geschehe, darauf seczet der38 rate
darzuo stranglich nach des schulden ane alle geverde. Weier

35 S. 71.

36 Randbemerkung von etwa 1500: conductionem [ipse]met habitet.

37 S. 72. 38 S. 73.