http://dl.ub.uni-freiburg.de/diglit/zgb1906/0278
254 Flamm. Freiburger Rechtssammlung um 1340.
ouch ieman an sinem huse lasset burger werden und zuo ime
sprichet, er sie daran sicher, und denne ab der burgschaft vormals39
gelt gat, oder ob er gelt verkouffet ab der burgschaft
dar nach, so er ieman ze burger daran geschriben hetti, und
der, der daran stuende, nüt sicher daran sin möhte, wer dero
deheins tuot, das gevarlich ist, und der rate oder der merteil
des rates erkennet, das er unreht getan het, der sol ouch derihti
gegen dem gast sin und mag ime ouch mit geriht ane fürgebieten
an lip und an guot vallen untz das ime sin schade,
den er des gehebt hetti, ufgerichtet wirt als der rate oder der
merteil erkennet, und verhütet man ime ouch darzuo die stat
zwey iar als, dicke dis geschehe.
§ 36. Wes der schriber fragen sol.
Und wenne einer den andern anschriben wil ze burger an
sin hus, so sol in der schriber eydigen bi sinem eyde, üb das
hus sin sie und ouch das es lidig eygen sie und40 enhein gelt
darab gange und das es ouch nieman ein gefangen guot sie,
und sol in der schriber nüt anschriben, er sagi denne das also
bi sinem eyd ane geverde.
39 Randbemerkung von etwa 1500: recessit, abest.
40 S. 74,
http://dl.ub.uni-freiburg.de/diglit/zgb1906/0278