Freiburger historische Bestände - digital

Das Haigerlocher Stadtbuch von 1551

213

[15 b] den im ouch lyhen, eß sye dan sach seinthalb, daß im nit
ze lyhen vnd darzü nit tougenlich sy vnd darnach so habend
die burger och ain schützen ze herwellen vnd setzen; demselben
sollend alßden die von Trülfingen derglychen och lyhen; vnd wan
die burger ainen schützen lyhend, so ist er inen schuldig ze
geben ain vierteil winß.

Item ir Ion ist: welcher dry juchart mit korn oder haber
oder der beiden zü schnyden hät, der ist im schuldig ain garb
welcheß der mer ist, welcher aber dar ob hat, der gyt korn
vnd nit haber.

Item welcher hat zwo juchart, gyt ain ß heier vnd ain
juchart dry cj.

Item ain mansmad wiß ain laib brot.

Item waß die schützen riegent vff der gietter, so in die
stat gehörend, die sollend ainen burgermaister hinein geriegt
werden, vnd waß gietter gen Truhelfingen gehörend, söllend och
do hin geriegt werden.

Item sy sollend die weg machen, wa die inen beschaiden
werden vnd daß schweren.

[16 a] Item deß glychen lyhend die von Wyldorff och
ainen schützen vnd schickend in herin, vnd ist er tougenlich,
so sollend wir im och lühen; der git dan den burgern ain vierteil
winß; dem ist den sein Ion vnd die weg zü beschaiden, wie
uor stet etc.

Von den hürtten.

Item die burger habend die hurtten zü setzen vnd entsetzen
; die söllend schweren oder globen trüwen dienst etc;
vnnd soll der kiehürt ain knecht hon, der den vichmaistern gefällig
ist, vnnd anfahen vßfaren zü vnser frawentag liechtmeß
vnd hietten biß achttag nach sant Martistag, vnd wan er uß
fert, so gyt ain huß ain wen13 laib, daß für in trybt, vnd gyt
ain houpt, waß an hew gessen hat14, ain ime rogken vff Wal-
pürgiß vnd vff sant Jacobß tag ain ß vnd och ain yme rogken
vnd [16 b] vff Martini ain ß heier vnd ain Martißbrott, vnd

13 wanne, von vannus, ein langrundes Metallgefäß zum Backen; wen
laib also ein ovales Laib.

14 D. h. jedes ausgewachsene Tier; die noch saugen, „gehen der
mutter nach"; für diese wird der Hirt nicht besonders gezahlt oder nur
gering (vgl. weiter unten u. 17b Anfang).