Freiburger historische Bestände - digital

Samuel Israels Glückwünschung zur Vermählung Walter Rettichs

303

Vnd alsbald lieblich widerumb

Der Seelen g'sundheit zu euch kumb.
Naaman darmit er ward gesund /

Macht er sich auff geschwind zur stund /
Vnd reyset mit bedachten Sinn /

Zum Propheten Elisa hin:
Ihr aber / damit ewer Seel /

Gereinigt dem Gott Israel /
1602. Hat er euch g'holffen in dem fahl /

Hieher in dieses Münsterthal /
Auff das zum theil zu hilff euch kumm /

Daselbst das Euangelium.
Naaman anfengklich trotzig war

Deß Jordans fluß verachtet gar /
Im gegentheil erhebet Er

Die Wasser zu Damasco sehr:
Also jhr auch anfengklich ward*

[A iiij] Mit falschem wohn eing'nommen hart:
Das jhr stäts drob gestritten vest

Ewr meynung sey die allerbest:
Drumb das der Anhang g'waltig ist /

Mit Potentaten außgerüst /
Vnd thut man heut noch viel so spürn /

Die die Regna mundi verfürn:
Biß euch Gott auß Genaden schon /

Deß Hertzens Augen auffgethon /
Vnd jhr nun mehr erlehrnet gleich /

Was sey deß Antichristisch Reich /
2. Thessal. 2. Wie man mit Menschen gsatz vnd schwencken /
l. Timoth. 4. Die armen g'wissen da thut kreneken.
Darauß so seit nun erlößt /

Mit Dauid künnet jhr getrost
Von Hertzen grand jetzt jubilieren

Vnd auß dem Psalmen triumphieren
Psalm 118. Diß ist der Tag des Herren heut

Den er gemacht vnd zubereit /
Last uns frewen vnd frölich singen

0 Herr hilff vnd laß wol gelingen /
Heut Gott der Herr euch gnade gibt /

Das jhr wider brecht ewer glübdt /
Weichs jhr nit rechtmässig gethan /

Drumb hatte Gott kein g'fallen dran /
1596. Heut diesen Tag ists dreyzehn Jahr /

Das jhr euch habt verkleidet gar /
Vnd das end nicht gar wol erwogen /

Ein Münchskutt vnd Kapp angezogen:
Aber nun mehr dasselbig Kleid /
1609 6. Maij. Geworffen weg vnd g'than beyseit.

Weil jhr gespürt vnd innen worden