http://dl.ub.uni-freiburg.de/diglit/ortenau1974/0140
Sind wir nicht offt genöhtigt worden / auß vnsers Vatters Hause zu
fliehen? vnd haben vnterdeßen täglich hören müßen/wie Esaus = Ge-
sindlein daheim in vnseren Häuseren / Schewren / Kelleren / Gülten /
Renten / &. sich lustig mache / vnd vnser noch dazu spotte?
Hat man vns nicht zu dienen gezwungen in allen Ständen? (S. 15).
Mit was vnbarmhertzigen Diensten in dem Nehrstand / Burger vnd
Bawersleuthen seyen belegt worden / ist all zubekand / vnd kan niemand
widersprechen / daß manchmahl arme Leuth auffgefangen / auch
zu schädlicher vnd verderblicher Arbeit / zu der Zeit / da sie in viel
Tagen kein Brod gesehen / vnd wie ein Schatten herumb gegangen /
dennoch so grausam angestrenget worden / daß man zweiffeit / ob die
Egyptischen Frohnvögt so hart verfahren? Wie viel Tausend sind auß
ihren Werckstätten / vom Feld / vnd anderen Orthen / von ihrer
Arbeit mit gewalt weg gerissen / vnd in dem Krieg zu dienen gezwungen.
Wie viel Tausend haben in den Belägerungen vnd geschlagenen Feldlägeren
schantzen vnd Frohndienst leisten / auch damit so nahe an die
feindliche Posten vnd Wachten rucken müssen / dahin mancher Befehlshaber
seine Soldaten nicht gewaget / über welchem Frohndienst = Zwang
ein große Meng vnschuldig tod geschossen / oder im heimkehren vom
schwartzen Hunger verdorben / vnd verschmachtet.
An teüschen und betriegen hat es nicht gemanglet. Dann ob schon zun
zeiten noch auffrichtige Kriegsleuth / so wohl vnter Befehlshabern als
gemeinen Knechten sich befunden / die redlich das jenige gehalten /
wozu sie sich bey ihrer Ankunfft verpflichtet / ja auch der armen leuth
Seüfftzen vnd Klagen zu Hertzen gezogen / vnd von ihrer verglichenen
Forderung vnd angemaßten Recht etwas gewichen vnd nachgeben. Wie
dann vnterschiedene von diesem vnserem Orth das warhaffte Zeugnuß
mit genommen. So ist doch der größere theil viel anders gesinnet
gewesen: Ists wohl gerahten? so ist man mit den guten Leuthen etwas
sannft vnd gelind verfahren / als lang man der Quartier geniesen können
/ aber zuletzt bey dem Abzug hat man alles zertrümmert vnd
zerschmettert / verbrandt vnd eingeäschert / auch die arme Leuth
gefänglich weg geführet / vnd vnerschwingliche Rantzion vnd Löß =
Gelder von ihnen erfordert / alles wider getroffene Vergleichungen /
vnd hochverschwohrne Zusagungen.
Hat man nicht gar vnter solchen Trangsallen mit Gideion gefragt: Ist der
Herr mit uns I warumb ist vns dann solches alles widerfahren? So haben
wir doch zum wenigsten manchmahl geseüfftzet mit Jacob: Ach daß doch
der HERR mit vns were! Ach daß er vns nur Brod zu essen / vnd Kleider
anzuziehen gebe / vnd brächte vns mit Frieden wieder zu Hause! So
sollte er vnser GOTT sein / diesen elenden Steinhauffen / auff = vnd
138
http://dl.ub.uni-freiburg.de/diglit/ortenau1974/0140