Freiburger historische Bestände - digital

disem Brief das ich willekliche von Inen genamzet han ze nemende zwelf marche silbers gesetzter
sture allü Jare ze sant walpurge messe sehs marche vnd ze sant michels messe och sehs marche vnd
sol sü darvber niemer me benoten keiner Dinge die Inen schedeliche sien / an Übe oder an gute es
were denn das ich Ritter würde / oder ein kint ob ich keins hette vs gebi oder ich geuangen würde
von min selbes wegen ane mine schuld / oder ich mit dem kinege vber die Berge muste üarn, so
soll och sü Bitten mügelicher Dinge / Ich vergihe och das ich ie den man sol lassen sezzen nach
sinem reht also er vntz har gesessen ist. Disü vorgeschribenen Dinge han ich allü gelobt für mich
vnd min nachkomenden imer me stete ze habende vnd ze leistende bi minem eide den ich dar vmb
han gesworn ane alle geuerde vnd war min nachkomen imerme wirt dem sönt sü die vorgenenten
sture niemen geben vntz das er sweret ein eit alles das stete ze habende das do vor geschriben
stat. Ich verzihe mich och bi dem eide den ich gesworen han alles des rehtes es si geistlich oder
weltliche / das Inen mochte schade werden vnnd mir nuzze an den vorgenanten Dingen vnd dar
zu das dis alle stete vnd ganz jemer me si, so han ich den vorgenanten Burgern dißn Brief geben
Besigelt mit minem Ingesigel vnd mit der edlen Herren graue Connrats Herren ze friburg, graue
friderichs sins süns, graue Conrats vnd graue Johans von furstenberg gebrüdere Hern Heinrichs
von Ropoltzstein, Herren ze Hohenack, marggraue Heinrichs von Hachberg vnd miner oheime
friderichs von vsenberg vnd Johans von vsenberg Insigelen besigelt ze einem ewigen vrkunde. Dis
geschah vnnd wart dirre Brief gegeben in der stat Eltzach des Jares do man zalte von gottes geburte
Druzehen hündert Jare vnd siben vnd vierzig Jare an dem nehesten samstag nach vnser frowe tag
ze der liechtmes.

Dis Copy ist durch mich Wilhelm Ochs offnen notaren gegen dem Hauptbrief Col
lationiert vnd mit demselben verglychintend erfunden das bezuge ich mit diser miner
Handschrift.

Landesregierungsarchiv Innsbruck; Pestarchiv VII 4 1987 Eltzach.

86