Freiburger historische Bestände - digital

14) 1406 Apr. 6 (StadtAF, AI XIV, Fürsten und Herren, Neuenfels)

Ich, Cunradt Snewli von Birchiberg Tun kunt menglichem mit disem brief, das ich
gegeben han Hansen Berhtolt von Nüwenfels, minem guoten fründe vnd gesellen,
zwen teil an dem berg, dem man spricht der nüwe birchiberg, also daz er dar an
werfen mag, alz lang sin wille ist vnd Jm duncket fügklich sin, vnd des zu ein offenen
waren vrkündt han Ich min Ingesigel gehenket an disen brief, der geben ist an
zinstag nach dem Palmtag des Jares, da man zalte von Cristus gebürte Vierzehenhundert
vnd sehs Jar.

(Siegel abgefallen, Größe der Urkunde ca. 10x18 cm)

15) 1444 Okt. 30 (GLA 21/837)

Wir, Albrecht von Gotts gnaden Herczog ze Osterrich, ze Steyr, ze Kernden vnd ze
Krain, Graue ze Tirol ec, Bekennen, daz für vns käme vnser getrewer Thoman
Schnewl. genant penüob von polswilr vnd bat vns diemutiglich, daz wir Jm an sein
selbs als dem Jungern [sie! vgl. aber unten!] vnd Hannsen Rudolff vnd Hannsen
Lopp, seiner Bruder stat das nachgeschriben Schloss, Dorffer, Stukh vnd guter, Vnser
vnd des Hawss Osterrich mannlehen, geruchten zuuerleihen, wan das Jr Erbe were,
Das haben wir getan vnd haben demselben Thoman Schnewl an sein selbs als dem
Eltern [!] vnd Hansen Rudolff vnd Hannsen Lopp, seiner Bruder stat die nachgeschriben
Stukch, guter, Sloss, Dorffer mit Iren zugehorungen Jn des Allerdurleuchti-
gisten forsten, Hern fridreichen, Romischen kunigs ec, vnsers gnedigen, lieben Herren
vnd Bruders, Vnßerm vnd Vnsers lieben Vettern Herczog Sigmundts namen, der
baider gewalt wir gantzen hieJnn haben, verlihen und verleihen wissentlich mit dem
brief,waz wir Jm zurecht daran verleihen sullen oder mugen. Also daz derselb Thoman
zu sein vnd seiner egemelten Bruder Händen vnd Jrer Erben die nachgeschriben
lehen von dem benanten vnserm gnedigen hern vnd Bruder, vns vnd vnserm Vettern
Herczog Sigmund vnd vnsern Erben hinfur Jn lehensweise als lehens vnd lands
Recht ist, innhaben, nuezen vnd niezzen vnd vns dauon getrew, gehorsam vnd ge-
werttig sein sullen, als lehenslewt Jrm lehenhern pflichtig vnd gebunden sind, Doch
vnser vnd menigklichs gerechtikeit daran vnuergriffen ongeuerde.

Vnd sind das die Stukch vnd guter: Des ersten den dinkhoff zu witnaw mit aller
seiner Zugehorung. Das ist Bolswilr das Sloss vnd die Dorffer Bolswilr. Seiden,
Bieczik Hofen, witnaw vnd Aw mit gericht vnd lewten, Zwing, Bennen vnd mit
namen den kirchensaez zw witnaw. Item die zins zu Hirczmaten vnd die guter Im
weilerbach, Als denn Jr vorfara die Jnnegehebt vnd lang zeyt herbracht Hand.

Item die wiltbenn zu Bolswilr vnd in andern iren gerichten mit Bergkwerck,
Vischentzen vom Hwenstein [sie!] biz herüber an der von Stauffen wiltbenn vnd der
wasser seihen hinauff vncz vff die Diesserimlut* vnd bei Hanns Bruckers haws
vberab bis gen Oberried zu der ubelbrucken. vnd zu der andern Seiten an d[e]n*
Schonberg hinumb an vffhewser bann vnd darüber vncz an den Brunnberg, mit
namen die wiltbenn an dem Brunnberg mit dem Bergwergk vnd aller zugehord zu
beiden Seiten hinein vncz zu der ubelbrucken, Vnd waz auch wiltbenn zwischen den
gescheiden gelegen sind, gehörend in daz lehen.

Mit vrkund des briefs, Geben ze Breysach an freitag vor aller Hailigen tag Nach
Cristi geburt vierzehenhundert vnd im viervndvirczigistem Jare.

123